宅麵專門店 @ 九龍灣 ( 8-MAR-2016 ) ( 禁 )

韓式年糕湯飯 (雞) - 熱辣辣正呀   因為飲完淡湯之後   成日暖哂   但其實個湯底係無咩味

胡麻凍豆腐

博多豚骨拉麵 - 個碗就好大喇   但麵嘅份量就唔多呢   里奧大人話麻麻哋好味   好在佢話要試   哈哈  

日式煎餃子

( 8-MAR-2016  TUE )

尋晚無啦啦又凍番嘛   所以蓋張羽絨被   點知半夜熱到出汗   我起身坐咗喺度唔郁   里奧大人問我做咩 ?!   我話好熱出哂汗呀   佢即拎張紙巾比我   其實我次次一熱醒就會坐喺度唔郁   都幾恐怖   哈哈 ~

又潮濕喇   我覺得有啲凍凍哋添呀 ~

早餐又食吉列魚柳餐   之前啲魚柳係無咁好食架   係呢兩次就好食囉   希望之後都咁好食啦   哈哈 ~

菇場忙下停下   最開心係清哂之前未清嘅嘢   不過仲有其他嘢未清   但唔想做住 ~

Lunch Time 唔餓   不過今日唔想出街呀   所以 Hea 到 1 點先食少少麥皮   其實唔餓   但都係食少少嘢落肚好啲囉 ~

做下停下   無啦啦好餓   所以食下餅乾   估唔到又幾好味   哈哈 ~

家姐打嚟話媽咪話想食花生同魷魚絲   不過家姐話唔會買比佢   所以叫我買西梅乾比媽咪   咁我放工去百佳買埋先去探媽咪   離遠見到巴士   即跑去呀   好在有 5 個人上車   唔係送車尾就慘 ~

去到醫院都係 6 點 20 分   感恩又見到姑娘   話媽咪無流感   情緒無問題   食嘢就食醫院嘅嘢   但咬哂啲肉汁就吐出嚟   其實咁食係無意思   咁氧氣要聞 3 度   之後要照肺 X 光   同埋依家 Book 緊靈實   有位就轉過去呢 ~

今晚勁喇   我深呼吸之後先入去睇媽咪   見佢都 OK 精神   之後我同佢話唔好再食燒排骨   唔係妳出出入入唔係煩到自己   係煩到我哋 ~

咁我買咗包西梅乾比佢嘛   佢話唔係呢款   我即刻話佢   係咪以為我哋真係好得閒 ?!   放工又要買嘢比妳   妳可唔可以體諒下人哋呀 ?! 

工人話依家媽咪叫佢買乜   佢都話會問太太   佢同媽咪講話太太唔比買   媽咪會話好啦   又話叫媽咪食嘢要吞落肚   媽咪都係吞㗎喎   話其實媽咪都好聽話   我問番工人   咁點解佢要成日激我 ?!   哈哈 ~

家姐 7 點幾嚟到   第一句同媽咪講話   妳唔好再鬧工人   佢唔會再買燒排骨花生呢啲比妳   妳要食好清   嘩   家姐終於醒覺喇 ?!   但最驚媽咪之後唔食嘢   又比番鹹嘢佢食呢 ~

差唔多 8 點里奧大人打嚟話放工   咁我同家姐工人都走 lu ~

里奧大人話試新嘢   不過麻麻哋好食   哈哈 ~

番到屋企抖陣就沖涼   睇埋電視   11 點幾就瞓 lu ~