2016年3月5日星期六

紅蟻泰國菜館 @ 牛頭角 ( 5-MAR-2016 )



木瓜沙律 (蝦米) - 雖然好味   但好鬼辣呀   嗚嗚   


泰式炸蝦餅 - 今次無咁金黃   但一樣好好味   好彈牙呢  


香辣肉碎炒河 (雞) - 里奧大人話好辣   我話唔辣喎   因為我知道有好多指天椒碎   所以撩哂出黎   但只係撩自己果碗   哈哈   我實在太唔細心喇   下次我撩哂出黎先夾比佢呢    


芒果糯米飯 - 超勁正呀   因為糯米飯好煙韌   哈哈 


藍帶 - 一話食蝦餅   里奧大人就話要飲啤酒   


( 5-MAR-2016  SAT )

嘩   個天灰灰暗暗   又濕濕立立咁   春天又來喇   最難頂呢  哈哈 ~

今朝唔餓   所以好後悔口快快叫米粉餐 @@


菇場忙咗陣   之後 hea 喇   今日無咩人番工   靜英英咁   又眼瞓喎   勁想番屋企瞓覺   哈哈 ~

家姐 11 點去到媽咪屋企等氧氣機喇   媽咪就 11 點左右出院   最搞嘢係氧氣機都未到   因為家姐約咗 12 點前   又無諗過媽咪咁快番到屋企呢   哈哈 ~

我放工就即走   里奧大人就幫我拎埋啲高鈣奶去媽咪屋企   再睇下部機點用   咁我就去餐廳攞位先 ~

羅漢齋炒麵 - 勁難食 @@


西班牙海鮮焗飯 - 媽咪話食嘛   但只食咗幾啖 @@  


沙爹牛肉包配瑞士雞翼


午餐肉炒麵


家姐約咗 Agent 傾嘢   所以 2 點 15 分要即走   我同里奧大人就去媽咪屋企   因為工人想我地再睇下部氧氣機用得啱唔啱呢   佢成日同媽咪講   話妳要食嘢做運動   唔好要兩位太太擔心   我成日都唔記得問佢   擔心呢兩個字點學番黎   哈哈 ~

媽咪只係聞 0.5 度   但其實 0.5 度係好皮毛   幾間氧氣公司啲人都係咁講   有間直頭無 0.5 度氧氣機買添   佢話做運動好過   同埋氧氣機提供咗氧氣   個肺唔郁都有氧氣比妳   即係連深呼吸都可以慳番   咁就慘啦   呢啲咁重要嘅機能係要郁家嘛   不過我都唔再講咁多喇   講到我同里奧大人都好攰 ~

坐到 3 點幾就番屋企喇   好鬼攰   但又瞓唔到   所以打陣機   之後差唔多 5 點半先開始眼瞓   一瞓就瞓咗半個鐘   之後精神番好多喇   呵呵 ~

突然好想食泰菜   所以又去紅蟻喇 ~

我以前行得勁慢   因為唔鍾意做運動   自從鍾意行路同徑步之後   我行得快過之前好多   特別係夠精神同埋唔駛揹大袋嘅時候   行得仲快   所以里奧大人會同我講話我係拖住佢行   覺得我行得好快   因為我用咗徑步嘅步伐   但其實唔趕   真係唔知好定唔好呢 ~

食到好鬼飽   所以去咗晨運徑兜個大圈先番屋企   咁由泰菜館再加埋晨運徑到番到屋企   都要半個鐘   當做咗運動架喇   所以我鍾意去食泰菜就咁解   食完可以順便做埋運動   哈 ~

沖埋涼就睇電影   我睇睇下都瞓咗   里奧大人以為我扮瞓   之後我又醒番再睇   睇到 11 點半   終於做完   即刻入房瞓喇 ~

6 則留言:

  1. 五良液笠..午安啦! 今日勁濕呀!
    依家係廳抽緊濕要加開風扇..加強力度呀
    why我成會叫左紅螞蟻? 哈!紅蟻d份量都幾大碟
    有無得叫少辣~沙律太辣都食唔到咩味
    笠媽出院就好啦~不過係啦..0.5度聞氧不如做運動
    又唔係叫佢跑步~fing手fing腳+深呼吸下都好ok
    有時我地又係越行越快~但又唔係趕時間..慣左ma!哈哈

    回覆刪除
    回覆
    1. 一桶雞笠 真係唔好再講嘢食名 講到自己餓埋一份 哈哈~
      妳丫 買假嘢 我要五糧液 唔要五良液啊~~~~
      抽濕加埋風扇真係好強勁喎 希望大回南天快d過啦~
      我初初都叫紅螞蟻 順口d嘛 哈哈~
      仍地份量都幾大碟架 之前佢問小辣定咩辣 但今次無問就出事
      所以我同小奧講話記我下次自己講小辣呀 哈~
      呢日出院 後日又入番院啦 唉~
      其實深呼吸就最好 心肺功能都好d啦
      但佢都唔做 我都費事再叫 叫到我自己都覺得煩~
      我依家真係行快好多架喇 食完嘢之後又係行得快d架 有氣有力嘛~
      其實自己唔會覺得自己快 係同埋人地一齊行就會覺囉
      但果種快法又唔同妳趕車果種快架喎 可能心態問題 哈哈~
      妳知啦 即係番工同放工 步伐都唔同咁呢~

      刪除
    2. 哈哈哈哈哈哈! 唔怪得打"五良液"好似怪怪地咁啦
      原來係...."五~~~糧~~~液"(請用國語大聲讀出)

      刪除
    3. 中~~~果~~~D~~~烏~~~~LAND~~~~衣
      次次睇佢廣告都一齊讀架
      妳知我講國語幾咁有氣勢架啦 哈哈~~

      刪除
  2. 红蚂蚁。正!我来你带我去吃吖!

    回覆刪除
    回覆
    1. 帶妳去紅蟻就無問題 但紅螞蟻就妳要帶番我去喇 嘩哈哈哈哈~

      刪除