豆漿大王 @ 九龍灣 ( 15-NOV-2018 )

上海餈飯 - 少料都不得可了   我食嘅時候   材料只係得一半   油炸鬼份量得 1 吋 x 1.5 吋左右   我已經係得半條餈飯咋喎   所以我同里奧大人話下次唔好再叫   太少料喇   最搞笑佢話以為比哂啲料我呀   佢話佢都係好少料咋

呢個係下午茶餐   有 1 杯豆漿



呢個都係下午茶餐   有 1 杯豆漿



上海排骨酸辣麵   個湯唔夠熱





( 15-NOV-2018  THU )

今朝里奧大人起身   我都懶床到 7 點 25 分都醒 lu ~

早咗出門口   所以同 8 卦去遠少少食早餐   叫做試新嘢 ~



菇場唔太忙   諗住整下啲私人嘢啦   點知一拎出嚟想整咋   就開始忙 ~

Lunch Time 食 K 餐   馬莎買嘅 Flakes 係有啲鹹   我依家先食到   可能之前成日用朱古力奶撈埋唔覺   今日撈乳酪   味道完全唔夾   食咗成 40 分鐘先食完   因為我勁唔想食   哈哈 ~



仍然忙啦   不過咁都好   時間過得好快 ~

里奧大人 4 點喺尖沙咀見客   5 點 40 分左右已到九龍灣   咁叫佢等埋我   一齊去豆漿大王 ~

今晚我一定同里奧大人去豆漿大王   因為之前佢喺萬象天地想食餈飯   但最後太飽食唔落   所以我話星期四一齊食啦 ~

食完要行下   咁我話喺條街行陣先   因為我好凍   我衰啦   無帶外套 ~

行暖咗就去商場行喇   特登搵就真係搵唔到   我又煩呢   要買可以洗嗰啲質地   有啲係啱心水   但唔可以成日洗   因為啲質地係會越洗越長 ~

最後行哂所有店舖   都係無件啱   里奧大人又好擔心我會冷親   我話唔怕   如果一陣太凍我就出去坐架喇 ~

今晚最後一堂聽嘢   所以晏啲先散會 ~

番到屋企都差唔多 10 點   即沖涼喇   我沖完勁熱水涼都覺凍   之後再用風筒吹暖個身   第一次咁咋   勁驚作病   感恩無事咋 ~

11 點 15 分左右都瞓   因為我終於覺得有眼瞓嘅感覺   之前唔知點解無咩睡意咁呢 ~