豆苗龍蝦丸餃子 + 肉燥豆苗 ( 21-NOV-2018 )

( 21-NOV-2018  WED )

今朝 7 點 20 分都醒醒哋   但好想試下再瞓   終於瞓到 7 點 45 分鬧鐘響   又好似精神啲喎 ~

早餐食芝腿治烘底   真係唔知食乜好   哈哈 ~



菇場唔忙呀   所有大粒上哂廠   咁我都拚命 Load 相喇 ~

Lunch Time 出去食墨丸麵   之後買麵包比里奧大人   再行多陣就番菇場 lu ~



仍然繼續 Load 相   話咁快就放工 ~

放工即走   預備好哂晚餐材料就拖地   原來都已經 6 點 45 分   仲諗住抖下都唔得添 ~

里奧大人去拎淘寶   7 點半先番到嚟   可以即開餐喇 ~

是日晚餐 - 豆苗龍蝦丸餃子 + 肉燥豆苗

豆苗龍蝦丸餃子 - 之前剩咗啲餃子皮   真係第一次可以食埋去   因為好多時都擺到發霉   咁得十幾塊   咁啱有豆苗   不過無蝦   但就諗起冰格有龍蝦丸   所以整咗呢個九五搭八嘅餡喇   今次勁有心機煎   我都覺得煎得好靚仔   同埋脆卜卜真係好正呀 ~

肉燥豆苗 - 之前買咗罐台灣滷肉燥   係時候都要清埋佢啦   同埋 3 餐灼豆苗真係好鬼悶   加咗啲肉燥   起碼里奧大人會連埋啲菜一齊食囉 ~

諗住洗埋碗就徑步   點知落勁大雨   咁無計啦   開埋機洗衫就沖涼   之後休息算喇 ~

里奧大人聽朝好早起身   所以佢 10 點就瞓   我好開心話可以睇 Evan 仔   里奧大人話我黐黐哋   睇十萬次都唔悶   仲話我睇得多過 Evan 阿媽   哈哈   我話最鍾意啲細路仔肥嘟嘟   加上佢又靚仔   雖然咁叻但個樣好純   好難得家嘛   之後里奧大人話睇妳鍾意得佢幾耐 ?!   我話咁又係   之前好鍾意 "鬼眼" 個男仔㗎   我哋叫佢做鬼眼仔   佢大個咗呢   我同里奧大人講話唔好再比我睇佢啲相   哈哈 ~

今晚都有啲攰   所以我 10 點 45 分都瞓 lu ~