( 13-MAR-2021 SAT )
今朝里奧大人出咗門口 我都瞓得唔好 想起身但見到只係 8 點 咁無理由咁早起身吖 所以最後都係瞓下 瞓到 9 點都起身喇 ~
刷牙沖涼 之後買完早餐就等家姐接我 ~
本身里奧大人叫我晏晝食埋 Lunch 先一齊探 Berry 但我話要比雞柳比家姐 所以今朝要去家姐屋企呢 ~
家姐話工人話得 3 隻雞翼 叫佢買 但今次佢醒 問咗我有無雞翼先去買 因為佢以為我只係幫佢買包雞柳呀 但我話又係妳叫我買雞柳同雞翼嘅 ~
10 點半食早餐 又唔係話好餓喎 ~
興奮狀態 哈哈 因為等緊零食
難得影到佢咁有動感
之後就會坐定定
又裝下妳咁
同埋一定舔舔脷
開始唔望我喇
但一見到零食就望到實一實
佢心諗: 比得我未呀 ?!
對眼係追住零食
好激氣咁食 哈哈哈哈 講笑咋 係我影到佢咁樣衰呢
兩隻手仔捧住嚟食
之後又唔食 又要我餵佢
真係好似食薯片咁 我錄比里奧大人聽 佢都話真係好脆咁喎
太細塊比佢呢 我都驚佢咬到我隻手㗎
好滿足嘅樣 有人餵埋特別好味 哈哈哈哈
見佢咁鍾意食 再比另一塊細嘅
真係好好味喇
又咬到咁細塊 又要遞比佢食
係咁食
奸笑
成隻金毛咁
家姐同姐夫出去 咁我坐多陣先走 ~
終於坐喺我隔離
眼瞓喇 所以我幫佢按摩 令佢盡快入睡
想瞓 lu
中眼瞓
頭頂啲黑毛又幾得意喎
都仲未瞓
成日 long 住手仔瞓 其實會唔會手痺 ?!
再肥啲就好
咁影就好細隻
里奧大人 1 點幾放工 我都要走喇 ~
2 點 15 分左右食午餐 食完就要去拎嘢 ~
豬扒雞翼蕃茄湯通粉 ($51) - 里奧大人食第一啖就話我鍾意 我以為係好濃蕃茄味 但原來佢話個湯好熱
蕃茄味唔算好濃 但都好味道 瑞士汁雞翼就勁入味 豬扒都好大件 同埋唔 "鞋"
招牌菠蘿包 ($20) - 都唔錯 口感豐富 但食到 "呢咁 Hea" 呀 哈哈
離遠睇件蕃茄好似叉燒
話梅柑桔 ($18) - 唔錯唔錯
拎嘢就諗住番屋企 但家姐打嚟話想我幫手去拎嘢 咁無問題啦 ~
不過真係好感恩 因為本身已經諗住搭車番屋企 但咁啱里奧大人要覆公司嘢要遲啲走 所以接到家姐電話嘅時候就唔番屋企先喇 ~
拎完嘢就行陣 APM 之後買埋點心同豬腳薑 最後買埋珍珠奶茶就番屋企 又已經 5 點喇 ~
Happy Lemon 嘅珍珠奶茶都好味道 最緊要珍珠係煙韌 哈哈
沖埋涼就休息 之後就抹嘢 因為聽日唔得閒呀 ~
7 點左右蒸點心 里奧大人話蒸好快就得啦 本身啲點心係熟同埋熱家嘛 不過我都蒸咗 15 分鐘 哈哈 我唔想食到一半先覺得啲點心係唔熱呀 ~
終於 7 點半開餐 都唔係好夜呢 ~
是日懶餐 - 點心 (外賣)
點心 (外賣) - 買咗蝦餃皇 + 燒賣 + 雞扎 + 鮮竹卷 + 山竹牛肉 每款只係 $18 都抵食 依家唔敢去飲茶 所以間唔中就好想食點心 哈哈 ~
洗埋碗又再沖涼 之後就抖下 ~
同里奧大人齊睇 Jurassic World 睇到 12 點幾先瞓呀 ~
沒有留言:
發佈留言