乾蒽燒汁豬扒 + 土伏苓牛大力粉葛素湯 ( 14-MAR-2021 )

依家開始食糙米

( 14-MAR-2021  SUN )

今朝又係瞓得唔好   但 9 點都要起身 ~

諗住拖地   點知家姐都差唔多出發   我都即沖涼   預備出發喇 ~

行到半路發覺無帶電話   又要番屋企拎   激死我   明明唔熱變好熱   哈哈 ~

我好少遲過家姐嘛   我見到佢時   佢正拎起電話   佢話真係想打比我呀   因為佢驚佢無 whatsapp 我喺邊等呀   因為我好少遲過佢呢   哈哈 ~

佢車埋老二一家出九龍灣   我好鍾意老二個仔架   個樣好乖同埋真係好乖   哈哈 ~

家姐次次番到屋企都問 Berry 姐屙尿未呀 OC 未呀 ?!   我會勁啤佢話問夠未呀 ?!   大佬   未食早餐呀   就係咪講紙尿屁   之後佢係咁笑   話怕咩喎 ~

一見到狗帶就即上梳化

兩條比較粗嘅狗帶   就咁睇狗帶   啲人以為係大狗戴架   哈哈   家姐其實都有創傷後遺症

終於醒起有魚柳包套餐   始終家姐已經食咗早餐   再陪我食麵餐   佢真係超級飽嘅

整定今日要見家姐   尋日仲諗緊今日嚟唔嚟好   但今日肯定要嚟啦   因為要比嘢佢   哈哈 ~

Good Morning

佢見到牛舌片   個樣好開心 

自動自覺比 Hand Hand

之後又要叫佢幾聲先望住我   衰女包

食完又同家姐傾下偈咁啦   佢啲同事又會成日打比佢傾偈   幾乎每次見佢都係咁㗎   佢啲同事大部份都好好人   同埋又鍾意周圍食嘢   佢番工真係好開心㗎   哈哈 ~

最搞笑係個個同事都知佢鍾意紫色   真係買杯買衫樣樣都係紫色   不過依家里奧大人都係咁   見親紫色第一句就會話妳家姐最鍾意   哈哈 ~

無人理我就唯有等 Berry 陪我啦   其實都只係同佢影下相 ~

捲埋之後細細隻好得意

咁睇隻耳仔真係好大隻

好多狗   哈哈

真係唔可以正正經經咁瞓   次次都係中下中下先伏低瞓

佢一想瞓覺呢   我就會按佢個頭仔   家姐話我按到佢好舒服咁呀

係都要坐喺我同家姐中間瞓覺   勁搞鬼

12 點 45 分就走人   因為我想去買湯料 ~

番到屋企就拖埋地   沖埋涼就等里奧大人放工 ~

2 點先開始煲湯   里奧大人 2 點半放工   叫佢買一份下午茶 Share 食就夠喇 ~

蒜蓉汁雞扒腸仔飯   今次個汁好甜

里奧大人食完抖陣都瞓覺   我就要睇住煲湯   不過最後我都 5 點瞓到 5 點半   哈哈 ~

6 點幾飲湯   之後就預備晚餐 ~

是日晚餐 - 乾蔥燒汁豬扒 + 土伏苓牛大力粉葛素湯

乾蔥燒汁豬扒 - 尋晚買咗 2 Pack 急凍豬扒   今晚整 1 Pack 先   又順便清埋啲乾蔥   依家好想清哂屋企啲儲備   因為有時個人好懶煮   將啲嘢攏下攏下就過期咁囉 ~

土伏苓牛大力粉葛素湯 - 材料係 1 包真空嘅土伏苓 + 1 包牛大力 + 1 斤半粉葛 + 1 條紅蘿蔔 + 3 粒蜜棗 + 赤小豆 & 扁豆   煲兩個鐘就搞掂   估唔到咁清甜   咁樣好過煲豬骨呀   無咁油膩同埋起碼平咗六十蚊呀   哈哈 ~

洗埋碗又大清潔廚房   沖埋涼都休息 lu ~

睇節目話老人家好怕死後無人拜佢   我覺得好好笑   難道死咗都知人世間發生咩事 ?!?!   我成日都同里奧大人講   如果我死咗   綠色殯葬就可以   最緊要簡單   同埋將我啲錢捐去 NPO 就可以   仍會強調唔需要年年嚟拜我   因為唔想你同家姐傷心 ~

佢話嚟拜妳會傷心咩 ?!   呢個衰佬   我話我死咗你好開心咩 ?!?!   佢喺度奸笑   正衰公 ~

今晚 11 點都瞓喇   聽日要番工呢 ~