元綠壽司....又係你呀....

尋日同完媽咪同埋深愛既朱朱 lunch 之後...番到公司個人突然好唔舒服...連 blog 都無心機睇呀...係好小有既事呢...坐喺公司度發吽哣發到放工...

放工拿拿聲番屋企喇...行到半路都係買定支 bb 白花油以備不時之需...其實好驚用白花油....因為實在太大陣味喇...唔係人人都頂得順...但我覺得止嘔真係好掂囉...所以依家手袋..公司..屋企實有支白花油喺度旁身既...唉...上到巴士先知上層無位...咁就拿拿聲落番下層坐啦....點知死喇...下層好臭同好焗呀...所以即刻拎枝油出黎索下先舒服 d 咋...

今次大穫喇...因為番到屋企我連 nds 都唔想玩呀...之後喺度諗係咪餓得滯....個胃唔舒服所以想嘔呀...好煩呀....坐坐下突然好想食壽司同拉麵...所以咪又係元綠囉...大悶旦...里奧大人食左至愛既素魚翅海哲壽司 + 蠔情卷 + 三文魚手卷 + 帶子壽司...我呢...食左個辣味炸餃子拉麵...不過太大碗...所以比左一碗仔里奧大人食...d 炸餃子油淋淋...好在同里奧大人 share 咋...唔係就嘥架喇...我...應該唔會再喺元祿食餃子架喇...

之後問里奧大人飽唔飽...佢話飽同埋好厭...因為之前又食喎...oh...好唔開心呢...因為無問里奧大人想唔想食就去左元綠...sorry 呀...等你忙完功課...就同埋家姐一齊去元朗食 18cm 長既壽司啦...未去過喎...唔會悶掛??

番到屋企 hea 下就沖涼....hea 到十點半就瞓 lu...好開心呀...因為一覺瞓天光呢...感謝神啊....

今朝精神同氣色都唔錯...所以買左兜炒米粉 ($8) 喺公司食再加罐雀巢咖啡 (公司提供既)...勁飽...

里奧大人晏晝要去中環聽 seminar...咁啱拎 coupon 果度又係中環...所以特登早 d 過黎同我去delifrance 食 lunch 呀...咁去度呢...就叫里奧大人問問有無 coupon 拎先...無就唔好去喇...點...知...里奧大人淨係記得拎張地圖...唔記得拎張換領紙呀...help me...咩咁論盡架...唉...算啦...唔係點喎....後當無事發生...好開心咁叫左個黑椒蜆肉匾意炒配雜菜湯 + 鮮磨咖啡 + 煙鴨胸三文魚蜜桃沙律配忌廉磨菇湯 + 鮮磨咖啡...好好食呀...應該有里奧大人喺身邊陪我先咁好食呀...食完仲可以行多陣添呀...所以...今日我會係特別開心...wakaka...

唉...番到公司又係悶到發慌果隻...所以我帶左 d notes 番公司睇...無謂嘥左 d 寶貴時間丫...

今晚樣樣都想煮添...點好呀...