黑椒牛仔骨 + 細心炒粒粒 + 清熱夏枯草

黑椒牛仔骨  

愛心炒粒粒

尋晚老規矩準時放工...可以好好好休閒咁去買餸...因為之前已經醃好左 d 牛仔骨...咁睇亞蘇佢炒粒粒黎蒸粉卷...所以突然間想炒粒粒...咁晚餐就煮炒粒粒 + 黑椒牛仔骨喇...買左大大隻既紅椒 + 黃椒 + 青椒 $13 好貴呀...之後再買 2 塊五香豆腐乾...咁就番屋企 lu...

番到屋企見到深愛既里奧大人...好開心呢....難得佢咁早番到屋企呢...心諗...咁又幾好喎...橫掂今晚炒粒粒...d 牛仔骨又醃好左...好快食到飯啦...點點點點點知...太高估自己喇...因為切粒粒真係要用頗多既時間...同我又加 d 菜脯呀...免治豬肉咁呢...

當我切亞豆腐乾都好有心機笑哂口黎切既...再切亞黃椒時亦都好用心機既...但到切亞青椒時已經開始極度後悔做咩鬼整炒粒粒呀...之後切亞紅椒同亞菜脯時已經開始有 d 憎佢地係咁劈係咁劈呀...不過好在最後都順利完成樣樣都切得好靚 (我覺得)...

之後呢....又xx痕...因為之前學人買樽黑胡椒粒番黎...煮黑椒汁時辣 d 惹味 d...點知又係要"dup"餐死既....又嘥左 d 時間黎整喇...又呢...諗起 d 汁加d粒粒會靚 d...又再拎 d 粒粒再切細 d...顛架...(但點解影出黎既差唔多 size 既 ?????)...唉...切粒粒 d 咁既野都加加埋埋都搞左我半個鐘呀...終於放下屠刀....開始煮牛仔骨喇...我 like 慢慢火煎...之後放上碟再淋 d 黑椒汁喺面...一個字...正...之後炒粒粒....我將免治豬肉炒熟左...再加豆腐乾同菜脯去炒...熟哂就再放 3 色椒去炒...再落蠔油同麻油黎調味...又係好正...


里奧大人見到都話我好有心機煮....好靚呀...哈...唔好食買相都絕對呃到人既...但唔係講笑...真係好好味喎...可能兩樣餸我都好鍾意食啦...

由於亞夏枯草喺度既關係...所以我無滾湯...費事飲太多野要成晚去洗手間呀...cher...懶就懶啦...

差唔多食完飯...里奧大人好主動話佢洗碗...

我真係由心裡面笑左出黎 (係苦笑...次次咪又係我洗 -_-''')...我多數用熱水黎洗親碗...覺得乾淨 d...咁就叫里奧大人開爐啦唔..(其實想睇下佢係咪真係有作洗碗既跡象)...ha...佢真係就咁開完就算呀...無話等佢洗呀...

都話架啦..."up" 過算...咁咪又係我洗囉...越洗越慶 (係因為熱水 d 蒸氣係咁蒸我塊面度...唔慶先奇)...洗完之後就入書房眼啤啤同里奧大人講 : "又話你洗 ??"...里奧大人就用哀怨既眼神話 : "妳次次都唔想我洗架啦...驚我辛苦嘛...我今晚切生果比妳食丫...yiyi...(咁又係喎...我又真係次次都係咁喎...

喂喂喂...切生果 ??好似我已經將個哈蜜瓜切哂粒粒放左喺雪柜喇噃...你切 mood 啊...

尋晚好天又可以跑步喇...跑左半個鐘就番屋企 lu...沖涼之後就食生果睇下雜誌嘆下喇...

唔知點解我成日瞓覺都會發夢既...咁慘啦...等如無瞓過...唉...今朝仲要陰陰天又落雨...睡意仲勁...

今朝食早餐好唔開心...因為...個三文治餐加左價呀...由 $13 加到 $14 呀...不過都無辦法啦...因為成日喺公司真係好悶...所以我都會喺出面食埋早餐先番公司既...今朝食左吞拿魚三文治烘底 + 熱央...$15...好唔捨得呢...

lunch 呢...食悶悶隔夜飯囉...可能隔左一夜 d 牛仔骨梗加入味...好鬼辣呢...之後去左百佳買左罐番茄膏以備屋企不時之需...比錢先知星期二無膠袋日呀...好在咁細罐好易拎啫...

今日無野做兼且cc 勁忙...所以今日我勁悶...仲好眼瞓添呀...講出黎好似好好咁呀無野做...箇中滋味...真係極不好受架...我仲係對住個鐘添...望住 d 時間慢慢慢慢咁過...真係比死梗難受呀...