黑椒西冷牛扒 + 楊洲炒飯 (大家樂外賣)

尋晚又要去 nokia 整電話...好煩呀...電話呀電話...唔該妳壞就壞得徹底 d 啦...唔好時聽話時而唔聽話至得架...

等同整差唔多一個鐘....之後打比里奧大人....佢仲o係公司ot....所以我就去laneige 買左 water bank 同唇彩....旺角無時無刻都勁多人....真係無咩必要我都唔會去呀....

番到屋企差唔多 8:45pm...里奧大人話去大家樂喎...好啦...咁就叫左西冷牛扒 (黑椒汁) 配雪糕香蕉船再加錢轉紅豆冰同楊洲炒飯喇...救命呀...離遠見到我杯紅豆冰有雪糕既...人家減緊肥家嘛...同埋食左點食野呀...咁我又無諗過會有雪糕...所以我叫里奧大人食左去...(里奧大人仍係減肥進行中...好可憐呢)...食到尾聲都係食唔哂 d 飯...咁就去攞雪糕香蕉船...不過我食左小小....因為真係好飽....咁里奧大人話唔好嘥又食埋...由於餐飯真係頂到上心口...所以要行下黎幫助消化...咁就行左去 jusco 睇下野...之後番屋企 lu...

次次星期五都係唔想咁早瞓...可能第朝番半日...所以就搞下呢樣搞下果樣搞到 12:30 先瞓....對於我喺一個11:00 就瞓既人真係覺得好夜架喇...gege...

因為今朝要番工...所以同里奧大人食早餐...share 食左餐旦出前一丁同火腿飽絲通粉配冰鎮奶茶...勁勁勁飽...好在今日要去番 nokia 拎電話...at least 3 點先可以同里奧大人食晏...飽 d 好既...

今朝好多野做呀...搞到我得好小時間睇 blog 睇報紙...仲有好小時間同 cc msn 呀...但...心情好好喎...因為下晝唔洗番工嘛...