茄汁燴雞柳 + 磨豉醬炒脆肉瓜 + 番茄紅衫魚湯

牛油旦糕

我的內心發出無比的香甜~令人愛不惜手 

磨豉醬炒脆肉瓜 + 番茄燴雞扒 + 番茄紅衫魚湯

尋日鬧鐘響左...me me 摩犘咁灘左半個鐘先願起身...太攰喇...所以拿拿聲焗個福麵食就番教會喇...尋日喺係守主餐既關係...所以就比較遲小小先散會...之後同里奧大人去街市熟食檔飲茶...食左蝦餃 + 雞扎 + 山竹牛肉 + 外賣炸兩...好飽呀...之後再食亞婆豆腐花...顛左呀...食咁多野...

之後同里奧大人橫掃日本城...jusco...百佳...街市...

我發覺呢期既節目就係同里奧大人去超市 同家品店買野...無計啦...近屋企嘛...因為里奧大人忙讀書又忙做功課...地方唔可以超過屋企範圍 100 公里...咪唯有行呢 d 囉...不過我都好開心....因為可以買野....唔知點解無時無刻都想買野既呢...一個人既時候仲更加厲害...明知有既都會買...無就梗加唔洗講...呢期手痛唔可以拎咁多重野...唔係仲買得勁呀...因為我買野唔會一支支一件件咁買...一買就係 4 件咁買...不論大件細件...以前買廁紙都會買定 6-7 條...比里奧大人...朋友...屋企人問係咪顛架...話住村屋就話啫...超市喺附近咁方便...洗鬼嘥地方擺同埋幫人清存貨咩...所以...我先盡量買小 d 咋...幾唔慣呀...

見里奧大人話熱氣...所以我就即刻煲夏枯草比佢飲...之後心癢癢...就試焗左個牛油旦糕...成功呀....仲好好味添 (係我同里奧大人都覺得啫)...我真係好怕開焗爐整野呀...因為我上兩次整曲奇都唔得呀...搞到我情緒極之低落 + 無哂信心...所以好抗拒焗野...今次成功真係有莫名既興奮...自信心番哂黎喇...wakaka...

尋晚煮左茄汁燴雞扒 + 磨豉醬炒脆肉瓜 + 蕃茄紅衫魚湯...唔好睇好似好簡單咁...我用左 9 萬倍心機黎整架...雞扒起皮切小件黎醃...個獻汁用茄汁 + 喼汁 + 紅蔥頭 (切條) + 蒜頭 (dir 碎) + 薑絲...要好細心處理架...

脆肉瓜就易 d...炒完焗下就得....個湯又係唔簡單架....因為我最怕整魚....仲要親手將條魚用鹽醃...煲湯之前又要煎一煎...番茄又難拻皮 (其實係唔想洗多個煲既關係)...好煩架...鬼叫自己想飲魚湯咩...不過唔知係咪無落薯仔索油...以好多油呢...

唉...條街仲係濕濕地...無得跑步添...唯有做下家務郁下啦...之後仲做埋 mask...睇下報紙...食下生果...再睇埋亞蘇就瞓 lu...因為星期一唔夠精神番工係一件好慘既事...仲有就係好朋友 cc 放假...無得同佢 msn 傾下計...20 幾萬個慘呀...cc 妳對我黎講真係好好好好好好重要架.....我開工的時候...

今朝食左腿旦治 + 熱央 $14...兩個字...悶 + 飽...

番到公司都好忙呀...忙寫 blog 同埋同茄子 msn 囉...係咪顛架...呢 d 叫忙

晏晝又係食番尋晚既餸...覺得好難食添...可能悶悶不樂...影響食慾呀...漫長既日子...叫我一個人點捱呀...

里奧大人呀...你仲要讀多年半 MBA...我...好...慘...呢..又唔敢成日開口叫你陪...驚阻住你做功課...同朋友去街又驚你食埋出面 d 野無益...同埋又覺得自己好似好衰咁...你咁辛苦讀書做功課...而我就咁辛苦同朋友 shopping 買野唔係咁好...唉...咁點好呀...咁啦...不如你每個星期比千零二千蚊零用錢我啦...等我可以買下野散下心平衡一下...大家體諒下咁啦...顛...