彩福酒家

星期六晏晝唔駛番工...實在太好喇...仲要對於一個唔舒服既人黎講就更加更加好添呀...可以早 d 番屋企休息嘛

次次星期六都要等成半個鐘頭先可以上到車...所以索性打的去里奧大人公司附近巴士站一齊番屋企好過喇...
番到屋企附近都係唔係咁想食野...所以就同里奧大人去茶餐廳食奶醬多 + 干炒三絲意粉配熱檸蜜...$24...兩個人食 $24..又有位卡位座...真係抵到爛呀
番屋企即沖涼即瞓覺...3:30 瞓到 6:00...仲瞓得好好添...咁即係代表今晚唔駛旨意可以瞓到
由於夜晚里奧大人屋企人會同奶奶慶祝生日...所以必須即刻梳洗出發...去到酒樓既時候又話差唔多開席...但差唔多搞左成個鐘先得..d 侍應效率奇差呀...而食物就 ok 囉...因為擺酒 d 食物都係千篇一律...無變化
食完就同里奧大人慢慢行路番屋企...天氣極好...所以好relax

番到屋企沖埋涼...睇下電視...好似有 d 攰...所以上床瞓...點知上到床又瞓唔着噃...典黎典去...典到成兩點幾先瞓着...唉...仲要係成晚都係瞓下醒下...次次瞓完晏覺夜晚實瞓得唔好...唉