柱侯醬煎雞亦 + 唐生菜

  

尋晚遲左小小走...所以一落車就要趕頭趕命買餸...真係辛苦過番工呀
一落車即標去街市買唐生菜 ($5) + 2 支粟米 ($5) + 韭菜 ($3)...再飄移到超市買梅頭 ($10) + 香蕉 ($9)...之後就飛奔番屋企喇
番到屋企放低野先記得無拎粟米...因為一手拎菜一手比錢...所以將粟米放埋一邊唔記得拎...激c
番到屋企里奧大人打電話黎話啱啱開完會...要再做多陣...差唔多八點半先可以番到屋企...之得我唔駛咁趕啦...不過話就話好似好多時間咁...但其實我都無停過手做野...煲藥最煩 (五碗水煎成一碗水...再四碗水煎成一碗水...之後入保溫壺...洗煲)...又要睇火...煲一煲就用左一個鐘架喇...所以我一路煲一洗菜...浸菜...之後就醃豬肉同切韭菜...預備第晚食水餃呢...當我搞掂時里奧大人就打黎話上左車...即係又要開始煮飯啦...是日晚餐 : 柱侯醬煎雞亦 + 唐生菜
柱侯醬煎雞亦 - 用柱侯醬黎醃雞亦...醃左兩日...煎起上黎好香...但食落就同豉油糖醃既味道一樣...下次試下落多 d 醬黎醃...希望可以食到柱侯味啦...
唐生菜 - 灼熟...醮腐乳蓉黎食...very 簡單...
食完洗埋碗成 9 點半喇...之後真係要拿拿聲沖涼做功課...時間迫人呀
                       
今朝好攰...因為呢個星期晚晚成 12 點先瞓....今朝好唔想食三文治...所以買干蒸牛肉 + 粉果 ($10)...再去 7-11 買朱古力奶 ($8.8/2盒) 番公司食

晏晝就 very 開心...因為媽咪又煲左北芪南棗豬展湯同埋炸左腰果比我...所以順理成章去美心飲茶...食左雞絲卷 + 芋頭糯米卷 + 豉汁煎魚雲 + 炸鮮蝦鮮竹卷 + 豆腐花...美心真係除左坐得舒服之外...真係無咩點心食...來來去去都係得 4 架車...悶 c...好在我有幾碗湯頂下....唔係真係唔知食 mood 好喇...今餐係 free lunch...因為係媽咪請架.