茄汁煎雞扒 + 菜心 + 腐竹白果雞旦糖水

   

尋日居然食完早餐買完野...番到屋企睇報紙之後就再瞓到一點...唉...我覺得嘥左 d 時間呀....所以即刻煮 lunch 之後就做功課喇...一個人食喇喎....當然係食 d 剩餘物資啦...所以食咗雙丸 (2 粒蟹子丸 + 4 粒龍蝦丸 + 1 條粟米粒) 米粉...嘩...煮埋一齊真係唔野小...真係食到反白眼呀....

食完之後既一個鐘...里奧大人打黎話亞 sir 無料到...所以走得...可以番屋企陪我食 tea...吓...我啱啱先啃完碗大野真係食唔落野噃...里奧大話咁淨係陪佢食囉...嘩...咪仲慘...兩個人食一個餐比人啤到暈呀...所以我話煮午餐肉丁你食算喇...佢幾開心呀...見佢咁開心...我都比心機煮好 d 野啦...將 d 午餐肉薄片黎煎...真係好香呀...不過有樣野好唔開心...就係我將 d 熱湯倒落個碗時...個碗裂開左...所以出前一丁 d 湯無哂...要再開另一包...最激氣最激氣係隻碗係用左一次咋...ikea...我對你真係無哂信心喇

搞掂埋里奧大人就再開始做功課...做到 6 點又要開始準備晚餐喇
是日晚餐 : 茄汁煎雞扒 + 菜心 + 腐竹白果雞旦糖水
個雞扒煮左幾次都一樣咁好食...太好喇...而菜心就醮薑蓉黎食...又係好好食...因為我太鍾意食薑蓉喇
天氣乾燥...所以煲全城最方便既腐竹白果雞旦糖....煲一個鐘就搞掂....可以留番第晚再食...$10 食兩晚糖水...簡直超值值值值值值
實在好怕乾燥天氣...因為 d 皮膚會勁乾...所以食完糖水即沖涼...之後即敷 mask...我要內外都要保濕呀
尋晚睇有線訪問張柏芝...佢個樣老左好多...不嬲我覺得佢好靚好靚...但尋晚睇佢笑起上黎個樣好肉酸同埋好老咁..唔通生左真係會老好多??好驚啊
      
今朝遲左出門口呀...所以要買早餐番公司食...燒賣粉果 $10...之後再喺公司沖華田...正呀
晏晝喺公司食飯...之後睇報紙...睇到好眼瞓...點算好呀...星期一呀...好無 mood 呀