放工即飛奔去 jusco...因為每逢 2 號係 jusco 感謝日...有 9 折喎...當然要 look look 啦...成日想買玻璃碟....點知比我一入 jusco 就係做玻璃碟既 promotion...當堂精神哂呀...終於買左 6 隻大小不一既碟...本來想買多d架...9折喎...但太重無辦法...唉...咁就用左 $108 大元找數...之後去左supermarket買冷麵汁 ($22) + 免治豬肉 ($13)...之後番屋企預備晚餐lu
番到屋企第一時間整跟跟風豬肉乾...用豉油 + 糖 + 玫瑰露酒 + 蜜糖醃豬肉做豬肉乾...要搞到起膠呀...其實我都唔知咩叫起膠...所以叫里奧大人幫手搞搞...但佢都唔知咩叫起膠...所以我話求其撈勻 d 醬料咁啦...有人幫手真係好好多呀...hahaha...但我焗果陣時就唔知點解好多肉汁出哂黎...唔夠色..唔燶...連里奧大人都串串共話妳係咪整肉餅呀...再用哀怨眼神話買好過自己整啦...哼...就係呢一句...我就要更加要整到好為止...所以我番轉焗另一面時...我就再加蜜焗同黑椒...想快 d 燶同個樣好睇 d...點知真係好快燶...所以就拿拿林拎出黎放涼...唉...又一個打擊...里奧大人話好厚同埋好重玫瑰酒味...唔 like 呀....所以夾硬食左小小就話唔好預佢喎...不過我覺得都 ok 囉...因此出於自己手嘛...比番 d 同情分自己囉...經過今次既經驗...我相信下次應該可能或者會整得好味...之後真係開始開鑊喇
煎雞亦 - 簡單好味...再加埋辣雞醬...好味到頂點
粟米丁- 超甜粟米粒 + 出前一丁...因為唔記得買菜...所以煮埋剩咗既超甜粟米...食續粒拻既粟米真係零舍不同
開心大發現呀...食完野我就原封不動咁坐喺到打電話比朋友傾計...諗住傾一陣就洗碗...但原來里奧大人已經靜悄悄地洗緊碗喇...太太太太太太好喇
今朝要 7 點起身北上睇中醫喇...8:30 去到...排第三...不過都等左幾耐...次次我都係同里奧大人一齊入去診証既...咁又幾好...因為好多時我都唔記得講自己有 d 咩唔舒服呢...今次就由里奧大人幫我講哂我既病徵比醫師知...但當里奧大人自己時反而佢無講自己邊度唔舒服...係我開口講番比醫師知...睇完既時候我就話有無搞錯呀??自己 d 野又唔講??里奧大人答我話係因為淨係記住我有 d 咩咩咩都唔記得左自己有咩唔舒服...嘩...好感動呀...等我仲話佢添...對唔住呀
睇到10幾...未食早餐好鬼肚餓呀...所以拿拿聲去左三島口岸大酒樓...食左鹹魚花腩飯 + 旦撻仔 + 小籠包 + 黑椒牛仔骨..$63...抵食但唔好食...又無野食...又一感動事...就係里奧大人特登去點心車到拎小籠包同黑椒牛仔骨比我食呀...里奧大人...你對我真係好好好好好好呢...咩都記得我
一路食一路傾計時...望到隔離果枱既男人係官塘楂小巴既...之後同里奧大人講成日都比我見到識既人...依家 d 人好興北上...分分鐘喺深圳見到熟人既機會仲多過喺香港呀...之後當出門口時...居然見到教友 ivy ...真係好驚訝又好開心呀...他鄉遇知音呀...wakaka
鹹魚花腩飯 - 五花腩見到入唔落口...d 豉油又鹹...
旦撻仔 - 樣衰但好味...如果再熱 d 更好...
小籠包 - 唔熱既...(原來里奧大人話得最後一籠...所以放喺面)...超難食...
黑椒牛仔骨 - d 肉太諗...d 醬太杰...(我好味過佢百陪) - 我覺得
可憐既里奧大人...朝早北上完...晏晝又要番學...仲要係 2 點到 6 點...好辛苦呢...而我...就好悶呢
沒有留言:
發佈留言