麥當勞薯條

尋日每月一到搞到周身唔係咁舒服...所以無探媽咪喇...要快 d 番屋企休息呀...

番到屋企即沖涼...之後喺梳化瞓一陣...一路瞓一路等里奧大人...尋晚真係無胃口...所以只得里奧大人一個人買麥當勞番屋企食...食雙層芝士孖寶餐...見到d薯條好正...所以食左 10 幾條再瞓過...瞓下醒下已經 10 點...所以都係入房瞓...舒服 d...
成晚想嘔...瞓得我極之辛苦...
                
好在今朝都 ok...但個胃都係頂住頂住好想嘔...唯有食粒止嘔丸...其實唔想食架...因為寫明係會令人昏昏欲睡...上次食過...真係唔夠半個鐘已經瞓我着...仲瞓得好好添...所以今朝一上車已經好眼瞓...但個胃又唔舒服...真討厭...今朝唔想食早餐...但里奧大人話因為無食到野所以胃痛...咁我就買左奶油多 + 熱杏霜...$15...買番公司食...飲哂杯杏霜...所以只能容納半塊多士...
救命呀...我依真係一合埋眼已經可以瞓着喇...但又大把野做...有成吋成厚既單要做呀...我一路中眼瞓一路做...慘呀...

正想瞓着時...媽咪打電話黎話可以出院喇...真係太好喇...唔駛再咁心掛掛...

晏晝叫外賣...火腿通粉...$11...食完即瞓...因為今晚要番學呀...