住家飯 ( NOV-2007 )

尋日里奧大人番學   所以得我一個人喺屋企   又唔想讀書住   咁就做下家務   之後睇埋報紙就開始讀書做功課喇 ~

正諗煮定唔煮之間   兒甥女就打電話嚟問去唔去佢屋企食飯 ?!   我話要遲啲覆   因為里奧大人番緊學呀   放學之後里奧大人就打嚟問食 Mood   我話去唔去你家姐度食飯呀 ?!   里奧大人話好   梗好啦   有住家飯食又可以慳番啲錢 ~

去到賓姑屋企已經預備開飯 lu   有茄汁蝦碌 + 豉汁蒸魚 + 蒜蓉炒唐生菜 + 豉油雞 + 叉燒 + 節瓜湯   係幾豐富但啲餸無咩味   可惜可惜 ~

之後同里奧大人慢慢行番屋企   非常舒服呢 ~

由現在起   切生果嘅重任已經交比里奧大人了   因為我要 "封刨"   事緣星期五晚比個刮生果刨刨親手指尾   係咁流血好痛呀   到依家我伸直隻手指都有啲扯住扯住   所以我係唔會再切生果   真係有陰影㗎 ~

~~~~

今朝里奧大人要番學呀   所以唔可以番祟拜   而我就用里奧大人一齊起身   因為我一個人唔係瞓得咁好   倒不如早啲起身好過   由於里奧大人約咗媚媚食早餐   所以得我一個人食咋   好可憐   求其去咗一間餐廳食沙爹牛肉麵配煎雙蛋多士 + 熱朱古力 ($16)   之後就去街市買野   買 2 磅雞翼 + 2 塊雞扒 ($30) + 雜丸 ($20) + 1 斤菜心 ($6) + 白果 ($5) + 腐竹 ($5) + 超甜粟 ($5)   滿載而歸咁走喇 ~

諗住 Hea 下睇完報紙就做功課   點知睇完報紙之後就瞓着咗 ~