牛什河 + 牛肚河 + 淨雲吞 + 菜心

尋晚放工即飛奔探媽咪...好在見到媽咪都好精神...媽咪今次真係唔驚噃...因為入院係覆診時心律唔正常...要轉一轉藥既份量...所以留院觀察...咁都好 d...唔駛我咁擔心
6 點幾里奧大人同家姐都到 lu...傾下傾下又到 8 點...又要走喇
同里奧大人真係心靈相通...因為大家都想食牛什河...聽到家姐都想食...但奈何工人煮咗飯...所以...佢唯有等下次啦
同里奧大人食左牛什河 + 牛肚河 + 淨雲吞 + 菜心 + 忌廉...$75...好想食魚皮架...但飲緊中藥要戒口...里奧大人仲論盡...明明想食牛腩河...點知叫錯左牛肚河...我都奇怪架喇...唔 like 食內臟又會食牛肚既 ??原來餓得滯叫錯!!依家喺出面食野 d 份量真係大縮水...碗粉細碗左 1/3...以前食親河粉都比 d 粉索哂 d 湯既...依家 ?? 食完仲有成大碗湯剩呀...最搞野係兩次叫多蔥都變左走蔥...唔通詐弟聽唔到想慳番 d ?? 次次食親河粉個肚會好脹...下次都係食米粉好 d...又無咁肥
番到屋企都有時間煲中藥...所以里奧大人負責煲藥...而我就負責善後同燙衫...搞掂拿拿聲沖涼瞓覺喇...因為 eyelid 已經落到鼻到喇
      
今朝好眼瞓呀...整中藥又遲左出門口...無得比我嘆早餐添...所以買左炒米粉番公司食...再沖杯咖啡...但硬係覺得自己沖既咖啡無餐廳果 d 咁提神...不過為左慳錢無辦法啦
早餐未落格就要食 lunch...所以無咩胃口...買左車仔餸...菜肉雲吞 (4 隻) + 芝士腸 (4 粒) + 通菜...$13...平平平...豈有此理...d 菜小到丫...夾左 4 次就食完哂...仲係細細 "住" 添噃...唉...越食越肚餓...得叫多個米粉啦

呢兩日又忙番...woo...有 d 寄託