蠔汁燜脆肉瓜黑木耳魚片 + 蛤蚧無花果當參川貝鱷魚肉湯 ( 15-nov-2009 )

( 15-nov-2009 thu )
今朝回暖番小小   咁快又唔凍     真係無癮呀 

早餐又食三文治    日日唔悶嘅話   食三文治真係幾好   又唔會食到成身汗   一隻手就搞掂   非常之方便呀

番到菇場忙到呢   不過越忙越開心喎  一 d 眼瞓感覺都無呀  

晏晝去媽咪屋企附近茶餐廳食 lunch    原來媽咪感冒   咁啱我又約媽咪    咁佢唔駛煮 lunch 咁辛苦     好在媽咪有胃口食嘢    唔係我又擔心   希望媽咪快 d 好番啦

番到菇場仍然係忙    但好精神喎     我知點解   因為可能 lunch 好耐無人陪     所以覺得好開心    一 d 都唔眼瞓呀 

放工再要諗煮乜   菜同肉一定唔小得   好在自己識煮嘅餸唔多   唔係太多選擇都幾麻煩啊   嘩哈哈

是日懶餐 - 蠔汁燜脆肉瓜黑木耳魚片 + 蛤蚧無花果當參川貝鱷魚肉湯
蠔汁燜脆肉瓜黑木耳魚片 -  3條脆肉瓜 + $10 鯪魚肉 + 十幾塊黑木耳   用蠔油做獻汁    第一次整算係唔錯啦    不過覺得里奧大人麻麻地 like 呢樣餸    但我覺得呢個餸幾有益丫    應該會再整    


蛤蚧無花果當參川貝鱷魚肉湯 - 媽咪煲架   滋陰補腎呢 

依家多數食完飯   洗完碗就同里奧大人落街散步    天氣涼涼地都幾舒服   最緊要係比自己做下運動    因為喺屋企整完哂所有嘢   沖埋涼就真係唔願郁架