尋晚放工就即走...好在有車...所以好早就可以陪媽咪喇...尋晚家姐同里奧大人都唔得閒...所以得我同工人探媽咪..之後一齊傾下計...睇下報紙睇下電視咁...話咁快就 8 點...要走喇
坐車時問里奧大人想食 mood...點知話想食車仔麵...我話又車仔??晏晝先食完車仔餸...唔想食車仔麵呀...等我諗下食 mood 再打比你啦...諗下諗下里奧大人又要煲藥又要洗衫就必須要喺屋企食...自己又肚餓唔想等位...咁...即係食全城最快既車仔麵啦...hahaha...諗左等如無諗...我食通菜 + 炸菜 + 牛腩 + 炸魚皮 +米粉...里奧大人就食生菜 + 牛腩 + 辣魚旦 + 雞亦尖 + 米...$42...雖然又係車仔...但今次好食好多...大碗...終於都忍唔住食左又香又脆既魚皮...真係好好好好正呀
食完野...晾埋衫...睇多幾頁書就要瞓喇...因為七點三要起身到醫院抽血...
今朝激死...特登早 d 起身去抽血...點知等左成半個鐘頭小巴...等左 3 架都係 full...又無的士...真係急死人呀...最慘又毛毛雨又涷喎...好在等小巴時見到有的士 (因為架架都有人坐...半個鐘頭淨係見到一架吉的咋)...即上喇....番工時間好難有的士架...上慢 d 都無呀...經此一役...下次都係瞓晏 d 打的算喇...費事喺度白等嘥哂 d 時間
去到醫院已經有好多亞婆亞伯坐咗喺度等...好在我都係排第 20 個...唉...我又點同 d 亞婆亞伯鬥早丫...佢地真係天未光就起身做晨運架...真係好佩服佢地...可以早睡早起...飲下茶...他他條條咁過一日...如果我同里奧大人老既時候係咁就好喇...不過我首先要減肥先...因為老左太肥會好論盡...又驚里奧大人老左無力扶我呢...實我好驚自己老個樣...因為會好 "巢" 皮...好多好多縐紋 (唔笑都有果 d)...好多好多老人班....好多好多白頭髮...瞼皮 dum 哂...要用假牙...又長氣...又無記性...里奧大人仲慘...濃密既頭髮變成稀疏既毛仔...爆牙變無牙...好可怕呀...唔諗喇
抽完血就要即走喇...想暖 d...所以去左附近買粢飯
($9)...好慘呀...一路坐車一路食咋...我覺得食"痴"飯好似成個男人咁...因為我覺得男人先會食咁飽既早餐
十點幾番到公司...沖杯華田...再飲埋
d 中藥...嘩...胃痛呀...可能太飽喇...晏晝就食腸仔包...$4.8...之後瞓覺...因為每月一到...有小小唔舒服...同埋好攰...所以要休息~
沒有留言:
發佈留言