香茅煎雞亦 + 菜心 + 炒飯

晏晝番到屋企...里奧大人就瞓晏覺...而我就睇報紙...尋日行經 7-11 同 circle k 都好奇怪....因為只係得蘋果日報...無哂東方日報...心諗唔知係咪有大事件 ??所以同里奧大人不惜一切咁耗盡所有腳骨力...行到有東方日報買既報紙檔...哦...原來係講有對父母將 5 個女留喺屋企...任由佢地喺屋內同屋外大小二便...而兩夫婦就成日出街蒲...留低 d 仔女喺屋企...但好怪就係話搞分居...但又一齊去蒲喎...都唔知 d 報紙邊句真 ??不過點都好...番低 d 小朋友喺屋企真係好唔啱...好危險家嘛...如果真係咁想成日去玩..就不如唔好生啦...仲要生 5 個咁多...做人父母要有責任照顧家嘛...生左又唔養又唔教...最憎呢d不負責任嘅父母呀
睇完報紙再睇陣雜誌都成 3 點幾...里奧大人話頭重重唔食嘢...叫我自己食喎...所以就求其食左個辛辣杯麵...食完無耐里奧大人就話不如出去食嘢...我話唔係化...啱啱食完杯麵點食呀 ?? 所以又求其煮左個腸仔福麵比里奧大人食算喇...唉...早 d 出聲話食嘛...咁我可以唔駛咁慘食杯麵...又唔駛咁慘煮麵你食嘛...仲要話d腸仔唔好食...要煎先好食

尋日終於搞掂份讀書報告...太好好好好喇...但仲差一份報告未做呢
里奧大人都好乖仔...因為主動煲藥...仲洗埋所有野添...可能係見我特登煮麵比佢食令到佢心生感動呀
之後我就開始預備晚餐喇...就係香茅煎雞亦 + 菜心 + 炒飯...
香茅煎雞亦 - 將 3 支香茅切條...再用豉油...糖...麻油...胡椒粉...粟粉醃 2 個鐘...切香茅嘅時候覺得好香...原來食嘅時候係無味嘅...
菜心 - 太攰...居然唔記得拻 "依"...好在唔多渣....
炒飯 - 用蔥粒 + 旦 + 老抽 + 生抽黎炒...懶人飯...
薑蓉 - 因為唔想嘥左 d 蔥...所以整薑蓉...同埋覺得好似多樣餸咁...
整完哂所有野就同里奧大人去跑步...好舒服呀...番到屋企即刻食橙...唔知咁會唔會肥嘅呢
                   
今朝里奧大人要北上....我又可以早 d 出門口....但今朝車程慢左....所以買左炒米粉 + 熱咖啡 ($17) 番公司食...其實想喺公司沖咖啡...但硬係覺得提唔到神...所以都係要飲出面果d
番到公司都有野做...但今日開始好悶喇...因為朋友 cc 入院做小手術...出院又要抖下...所以唔知要悶幾耐喇
晏晝帶飯...可以慳錢但悶死
諗番起星期五晚發既夢...唔小心打爛個藥煲...之後鬧鐘響就醒左喇...點知星六晚真係打爛左個樽...掃完地以為無事...無着到拖鞋點知比玻璃碎 "吉" 到腳板底呀...痛到丫...又流血...嚇 c呀...之後里奧大人同我用黃藥水消毒再貼膠布...行路我都唔咁腳板掂地呀...因為好痛呀..唉...好耐之前試過發夢仲左六合彩...我醒嘅時候仲記得 d 號碼...所以放工即刻去買...cher...一個字都無中嘅...但...點解今次打爛嘢又會夢境成真嘅 ??