打邊爐

尋日朋友打黎話要做婦科手術...搞到我都無哂心機做野...但又忙喎...煩 c
做做下野里奧大人skype 話會接我一齊放工...因為喺我公司附近見客呀...當堂開心哂...話時話都唔算叫接我放工...因為係我行到巴士站附近 join 埋一齊搭車番屋企咋噃...里奧大人又講得幾好聽喎...接我放工
難得里奧大人咁早...當然唔想煮飯啦...所以就去試下福彩酒家既打邊爐
食左沙爹湯底既肥牛...手打鯪魚球...澳洲桂花蚌...墨魚滑...順得魚腐...唐生菜...粟米...生麵..竹蔗水...埋單$200 都 ok...但 d 食物就麻麻地...下次應該唔會再去
肥牛 - 好細塊...麻麻地好食...

手打鯪魚球 - 腥到暈...

澳洲桂花蚌 - 無味...

墨魚滑 - 口感 ok...但無味...

順得魚腐 - 難食...

唐生菜 - 好甜...好好味...

竹蔗水 - 好甜...至在心理上無咁熱氣...

自選醬料 - ok...乾乾淨淨咁...

同里奧大人食得太飽...所以要行路番屋企幫助消化呀
番到屋企又忙煲藥...之後沖涼...等自己醒神 d 做功課...但夜晚對住電腦做功課真係好辛苦...對眼好攰呀...可能由朝望到晚...所以做左一個鐘頂唔順就收檔喇
                   
今朝遲左...但都係嘆埋早餐先番公司...食左芝腿治烘底 + 熱朱古力...$15...番到公司就即刻埋崗位做野...實在太多野做呢

晏晝出去食魚皮餃米...$18...好耐好耐無食過魚皮餃...所以覺得幾好味

突然好眼瞓...好在有吊命朱古力啫