但差唔多 5 點又好有衝勁做野噃...但都唔會去到盡 lu...因為 5 點半要準時走...想早 d 番屋企做家務呀
一放工里奧大人就打比我...問晚餐食咩....我話好攰唔想煮...同埋無 idea 煮咩好...所以出去食喇...費事諗呀
番到屋企附近先去 jusco 買韓國年糕...$20.9...其實唔知點煮既...但我覺得平所以就即買呀...記得喺韓國食過一次年糕係好煙韌好好食...所以想買黎整下...不過我都係信唔過自己...所以會去韓國餐廳食一次年糕...再問用 d 咩黎煮...咁就搞掂唔駛諗點煮喇...好聰明呀我...最衰心急番屋企啦...唔記得順便買埋韓式辣椒醬添...激 c
好想好想食辣野呀...但食緊中藥唔食得辣...人生真係有 d 枯燥乏味呀...但又唔敢偷食喎...一陣要食多幾十次中藥咪仲 c...忍下口啦.....靚女
里奧大人差唔多 7 點半番到屋企附近...由於食飯時間邊樹都咁多人...所以我去攞位先...間餐廳個名好核突架...叫花貓餐廳 (好似)...講真...因為食得唔多同近屋企先去咋...地食左生炒排骨 + 豉汁炆倉魚 + 2 個白飯 + 2 個西洋菜味精湯...唉...好失望呀...生炒骨唔夠汁...又唔甜又唔酸...涼瓜無味...條魚就有 d 腥...但要食哂佢...因為唔可以嘥野...食唔哂既生炒骨同涼瓜就比我帶飯...咁我可以慳番 d 食飯錢買其他野喇...埋單 ($91)...之得去食麥記好過啦
番到屋企又開始我辛勞既工作喇...就係煲中藥...唔知係咪幾日無煲...倒藥既時候隻手無力...所以要出動里奧大人強而有力既雙手黎幫一幫...之後當然要順便睇埋火洗埋煲啦...而我就唔會偷懶既...所以就燙衫...執屋...分工合作幾好呀...下下得我一個做真係做到發脾四架
之後里奧大人就去跑步...我就拖地喇...唔係又唔知幾時先有心情拖呀
呢期生果多數食木瓜...以前頂盡飲木瓜奶...因為整出黎果 d 係毫無木瓜味既所謂木瓜奶...但結婚之後就改變左...因為朋友話雪涷好好味...無咁臭...咁又真係無咁臭喎...所以我都接受到木瓜陣味....到依家我覺得唔涷仲好味...因為香好多...但好多人都好怕食木瓜...怕果陣味呀...幫我剪頭髮個男仔話食左兩個星期木瓜...連個肚腩都無埋呀...咁吸引...難食都食啦
我發覺次次食完木瓜...朝早起身係特別肚餓架...所以今朝食芝士火腿菠蘿包 + 熱咖啡...$15...番到公司好忙...但又想同 cc msn...所以份外忙
晏晝帶飯...睇下報紙咁又過左半日...即係邁向中年既時間越黎越接近
沒有留言:
發佈留言