肉醬螺絲粉 + 蒜蓉包

   

喺公司度無野做又要扮有做野...咁梗係要向前望住部電腦...手郁郁扮下野咁架啦...橫掂電腦開住既...無咩理由嘥左佢家嘛...所以咪 msn...睇 blog...睇報紙 etc...唔係日子點過喎...我都好慘架...望得電腦多...望到眼濛濛呀
晨咁早已經諗好左煮肉醬意粉...所以已經醃定免治豬肉...同埋買定大洋蔥...再整多個蒜蓉包...應該夠飽喇啩...依期小 d 滾湯 lu...因為又飲湯又中藥...飲都飲飽呀...其實好唔慣...因為我鍾意食下飯飲下湯咁...個口無咁乾呀
嘩...前面兩個爐用黎煲藥...後面就再開焗爐焗螺絲粉...真係熱到痴線呀
肉醬螺絲粉 - 螺絲粉淥幾分鐘...待用...洋蔥切粒...d人教話喺水度切洋蔥唔會流眼淚...我試過無用既...一樣照流...同埋我覺得係水度切 d 洋蔥會走哂味...我次次都係將洋蔥同對眼距離差唔多兩尺...咁樣切我就唔會咸...今次好有心機整...爆香洋蔥再加豬肉...再加蕃茄膏...好有出街食 d 肉醬 feel 呀...我第一次煮成咁架咋...之後放入錫紙盆...我先將肉醬放喺底...再加螺絲粉再舖肉醬同芝士...之後又放螺絲粉再舖肉醬再狂落芝士...因為 d 芝士粉就黎到 expiry date...所以咪迫住要整囉...仲有 1 支新既...又係差唔多到 expiry date...都唔知點算好
蒜蓉包 - 用現成既牛油法包 ($6.5/細)...其實應該用法包....硬身 d...但因為 panash 得牛油法包...又唔想再搵其他麵包舖...咁無辦法啦...番到屋企見到個包軟 lai lai...好難切...激 c...本應想粗暴咁拻開兩邊查牛油蒜蓉就算...但覺得賣相極核突...所以都用盡辦法切好呢麵包...再舖蒜蓉 (自己切粒) 同香草...焗左 5 分鐘...好香呢
里奧大人話肉醬螺絲粉係有史以黎最好食既一次...好香喎 (可能勁多芝士)...之後再食蒜蓉包...仲正呀...好香蒜蓉味同脆 lock lock 架
第時假期我都會整黎食...因為我好鍾意好鍾意食蒜蓉包...奈何出街食既蒜蓉包多數唔好味呢
諗住同里奧大人跑步...但里奧大人話頭痛唔跑喎...不過算啦...橫掂頭先煮野都煮到成身汗...咪當做左運動囉...之後拿拿聲沖涼...再食生果...上次媽咪比 d 黑提真係好甜好爽脆呀...但好難拻皮...所以一路食一路lur皮都幾煩...之後睇陣書就瞓喇
今朝又係有小小塞車...但都可以比我喺餐廳食到早餐...食左芝旦治 + 熱華田...$14...
晏晝帶尋晚既螺絲粉...d 同事話好香呀...好香肉醬意粉味呀...搞到佢地要去 pizza hut 食肉醬意粉呀...嘩...我好有滿足感呢
今日里奧大人北上開會同過夜...我可以休息一天...所以會去媽咪屋企食飯同瞓覺...嘩...又可以見到深愛既朱朱...好開心呀...好想快 d 放工呀
討 論 區 精 華 ： 返 工 上 網 公 司 變 網 吧 - oh...好似講緊我公司咁既...唔通 d 人係化名??講真...上網好過傾電話同同事傾計丫...又唔會阻住人又唔會嘈到人...對自己又好...因唔駛傾到口乾...靜靜地都不知幾好呀...最記得有次台灣大地震...影響到無得上網幾慘呀...最慘係無得 msn 呀...我覺得 msn 好處係有咩野都可以第一時間話比對方知 (e.g. 時事...8 卦野...買既...食既 etc)...又可以練打字...真係對自己有好多益處架...

講開又講...我 fd 間公司仲勁...個個都掛住睇股...無 10 成都有 8 成呀...如果老細出 trip 仲頂癮...亞媽級就幫仔女影印...後生 d 就擺明居馬上網 msn...老 d 既就出去食早餐同  tea...講出黎簡直唔係一間公司...所以真係一山還有一山高呀