赤丸 @ 德福 ( NOV-2007 )

尋日好忙既時候   Skype 睇到里奧大人話一陣會喺我公司附近見客   可以接我放工   開心死我啦   之後我就加快速度做野   務求第一時間放工走人   差唔多放工時  里奧大人打嚟話已經喺我公司樓下既中銀等我   搞到我仲更加心急添   點知落到樓下唔見人既 ?!   打比里奧大人啦   問喺邊樹呀 ?!   佢話喺中銀嘛   但我都見唔到你嘅 ?!   再講多幾講原來里奧大人去咗另一邊既中銀等我   咩咁無記性㗎   接過一次都唔記得 ~

行到咁上下   里奧大人好詭秘咁笑住話  [我買咗啲野送比妳呀]   之後就從褲袋拎咗包瑞士薄荷糖比我   我都好開心嘅   但都忍唔住問係咪食唔哂比我食就話買比我呀 ?!   里奧大人笑笑口話: 係用換購價換㗎   我可以唔換比妳㗎   我仲以為係特登去買比我添   都有嘅   我病既時候囉 ~

里奧大人之後話難得咁早   唔好煮飯行下街啦   我當然唔會抗拒啦   所以就同里奧大人去赤丸食烏冬   食咗煎肉腸 ($12) + 炸雞翼 ($15) + 天婦羅甜薯 ($15) + 日本餃子 ($12) + 2 個細既冷烏冬 ($20)   埋單 $74 好抵   因為好飽   但見里奧大人個 Backpack 有 Notebook   所以好鬼重   見咁辛苦梗係唔行番屋企啦   但里奧大人係都要行   因為好難得咁早放工   嗰刻又心痛又 Sweet 呢   有里奧大人喺身邊   當然係要睇啲重形貨品啦   .所以就行 Ikea   買咗 3 隻碟 + 1 Pack 隔熱墊 ($76)   又買到嘢   太好喇 ~

尋晚真係好涷   等車期間都要拎件披肩出嚟   唔係肯定涷病 ~

落車之後因為等過馬路   所以入去 7-11 睇下嘢   主要原因係條街太涷喇   要避一避啲寒風   有間 7-11 幾好㗎   熱嘅時候就入去涷下   涷嘅時候就入去暖下   唔錯唔錯 ~

~~~~

今朝里奧大人要北上   自己搭車番工有啲悶 ~

今朝突然好肚餓   所以食芝蛋治 + 熱杏霜 ($14)   好飽   飽到無 Mood 做野 ~

由於媽咪煲咗愛心湯 (北芪南棗豬展湯) 比我飲   所以晨晝去翠園飲茶   食咗迷你桶仔飯 ($18) + 鮮竹牛肉球 ($16) +  薑蔥牛柏葉 ($19) + (小心) 流沙飽 ($24) + 上湯蒸粉果 ($24) + 老點黃沙豬潤燒賣 ($24)   再加埋我飲嘅一壺湯 (4 碗)   湯又好飲嘢又好食   真係雙重享受呀   今次埋單 $168.3   到我請喇   橫掂簽卡啫 ~

番公司嘅時候   條街有啲小販擺檔   再加上陰陰涼涼   我覺得好有過年前既 Feel 呀   勁正 ~

天氣預測 : 未來一、兩天的早上天氣仍較涼，今日最低氣溫約攝氏十七度，最高氣溫為攝氏二十度，吹清勁北風，離岸海域或高地吹強風。他又表示，明日周末天氣將會轉晴，部分時間有陽光，後日氣溫將回升至攝氏二十至二十四度，下周四「立冬」當天的氣溫仍會和暖，達攝氏二十至二十四度。

快啲涷啦   我覺得冬天嘅時候   人嘅臉孔會詳和啲   心情會好啲   人都靚啲 ~