雲吞米粉 + 養顏豆腐紅衫魚湯

尋日覆診完之後都五點幾...有 d 攰...但又唔想出街食咁多味精嘢...又想滾湯比里奧大人飲...所以最後決定都係煮 d 簡易嘅嘢...就係雲吞米粉同豆腐紅衫魚湯喇 

去街市買豆腐...離遠見到個豆腐佬抹完鼻涕...之後有個女人買豆腐...佢就用塊布抹抹手就包嘢比個女人...嚇到我即刻去第間舖頭買呀...麻煩  

買完豆腐買雲吞 ($12 / 半打)...再去買兩條紅衫魚 ($14)...番到屋企沖魚時...見到條魚仲有 d 類似內臟嘅嘢...唔知咩黎...成條咁好核突...因為之前果 d 都無嘅...好驚...好想嘔...但無理由掉家嘛...所以最後都拻出黎...不過 d 感覺真係好核突囉

時日懶餐 : 雲吞米粉 + 養顏豆腐紅衫魚湯 
雲吞米粉 - 係人都識煮...唔駛多講
養顏豆腐紅衫魚湯 - 係人都識煲...又唔駛多講...不過要講嘅就係今次煲得好好飲...因為我上次煲得好腥...今次奶白色之餘重好有豆腐味...一d 都唔腥....飲完都覺得里奧大人白滑靚仔咗呀

呢排真係好易攰...唔通真係貧血影響...
不過都要早 d 瞓喇...因為要北上睇中醫呀

      

今朝 7 點起身喇...沖涼洗頭後就即刻北上喇...今次好好彩...no. 2...執藥又快...不過今次貴咗...15 劑藥要 $2270...希望快 d 唔駛睇啦...因為真係覺得好鬼貴...早去早走...所以又可以同里奧大人去丹桂軒飲茶喇...
唔駛等位...仲可以係窗邊位...望下景...飲啖茶...好 relax 啊...無拘無束自由奔放嘅心態下食咗雲耳魚滑 + 香茜皮旦柴爪魚片粥 + 竹笙上素餃 + 黃沙豬潤腸粉 + 炸雲吞 + 素齋炸芋角 + 鳳爪排骨...可能太太太太太太飽喇...所以覺得有 d 厭...埋單 $125...都 ok 丫...最緊要乾淨嘛... 

奇聞一則
坐廁兩年不起 女子「人廁合一」 皮膚連坐廁 恐半身殘廢 (明報) 03月 14日 星期五 05:05AM

【明報專訊】美國 堪薩斯州一名35歲女子，因坐在同居男友家中的坐廁兩年不願離開，導致皮膚圍坐廁生長，人廁「連成」一體。男友察覺事態嚴重，報警求助。該名女子最後被勸服送院接受治療，但
她的腳部已開始萎縮，並受細菌感染，恐有半身殘廢之虞。

身體塞入廁 皮膚沿坐廁生長

堪薩斯州內斯城（Ness City）警長維普表示，那名女子最初不肯讓救護人員抬走，經談判專家與其男友多番勸說後才妥協。他憶述﹕「我們利用槓桿把坐廁撬起，連人帶廁將該名女子送院。醫院的醫護人員把坐廁拿走。她沒有被膠水黏，亦沒有被綁，她的身體塞了在坐廁內。實在太難想像了……我一回想這個畫面便感到很難受。」

該名女子的36歲男友麥克費倫周三接受報章訪問，並透露女友的名字為巴布科克。麥氏向調查員稱，他每天為女友送上食物及水，每次都勸她離開坐廁，但她的答案總是「明天再說吧」。

「是她的安全區」 男友屢勸離開無效

警方認為，巴布科克坐在坐廁已有兩年；麥氏則表示，他不肯定女友坐了多久。他說，女友年少時曾受虐待，她自某天走進廁所後，便決定長駐在內，「就像是她的安全區」；起初她還有洗澡、更換衣服及與他談話，情侶關係正常，但後來卻不肯離開坐廁。

麥氏於2月底報警，警方到場後發現，巴布科克正坐在坐廁上，長褲拉下至大腿中間。維普形容，她看起來「有點迷惘」，但卻向警方表示不需要幫助。她目前仍然留醫，情穩定，但由於她拒絕與警方合作，故多個疑團仍未解開。

警方正考慮是否起訴麥氏。麥氏則強調﹕「我沒有叫她這樣做，這是她的選擇。她是成人，她有權為自己做決定。我承認沒有早些報警是我的錯。但一段日子後，你已習慣了。」麥氏自稱是一間古董店的員工，16年來一直照顧同居女友。