酸梅甜麵豉蒸排骨 + 韓式年糕 + 炒飯 + 節瓜鹹蛋排骨湯

酸梅甜麵豉蒸排骨 + 韓式年糕 + 炒飯 + 節瓜鹹蛋排骨湯

尋日真係好鬼多謝鬼妹犧牲鬼咁多睡眠時間同我傾計...所以尋日 d 時間過得好鬼快...真係好鬼開心...愛 c 鬼妹喇...所以滿腦都係鬼...
一早諗好煮咩餸...但又要同時間煲中藥...洗衫...收衫...拖地...所以時間好鬼緊迫...放工即走喇...有車就上...坐下層最入嘅倒頭車位....諗住聽 mp3 瞓覺...但入到隧道無耐...突然 "馮" 一聲...仲要 feel 到架車震一震...好似撞到嘢咁...架巴士就停鬼咗...真係好鬼驚...但應該唔會係撞到人...因為係隧道入面...之後司機落車 check 下車軚就開車...行行下又停...又再 check 車軚之後又開車...又唔講咩事...但我估係爆軚...到出隧道口埋站又唔比人上車...但我聽唔到司機講咩...太遠喇...心諗...如果架車有事...唔比人上車咁係咁叫所有人落車呢??但之後又比人上車...鬼咁奇怪...但我嚇到唔敢再瞓啦...如果唔係有咩事都知呀...唔知點解...次次坐樓下都係會遇到爆軚嘅... 
一落車就要標去街市買兩個節瓜 ($10) 就走喇...之前買 $5 份...依家就要獨立咁買...d 嘢真係貴咗好鬼多

番到屋企第一時間切瓜滾湯...之後煲中藥然後拖地...做完鬼 c 咁攰...又有 d 肚餓...所以食杯低脂乳酪就開始煮飯喇...
是日晚餐 - 酸梅甜麵豉蒸排骨 + 韓式年糕 + 炒飯 + 節瓜鹹蛋排骨湯
酸梅甜麵豉蒸排骨 - 次次用猛火蒸會好鬼鞋...所以特登煲飯...放喺飯面蒸...果然真係鬼咁滑喎...
韓式年糕 - 年糕用水浸...其實好似係唔需要嘅...就咁拎出黎解涷就得...但時間鬼咁緊迫...所以用水浸可以快 d 軟...再用韓式辣椒醬炒勻...鬼咁好味...
炒飯 - 用蔥粒...薑粒...雞蛋加老抽一齊炒...鬼咁方便...
節瓜鹹蛋排骨湯 - 本來應該用瘦肉...但買開排骨...所以就用排骨滾節瓜湯...呢個湯好處係有瓜有肉又有湯...又方便又鬼咁有益...懶人首選呀...
到食飯時居然唔肚餓...可能之前食咗杯乳酪累事...但點樣都要食...因為越夜食飯會越肥...呢餐飯真係食得好辛苦呀...

      

今朝里奧大人要見客...所以自己一個人搭車...今朝好鬼趕...所以只可以買燒賣粉果 ($10) 番公司食...再自己沖華田...因為我一定要飲甜嘢中和番 d 鹹嘢...真係鬼咁麻煩
個人瞓極都攰...今朝無飲咖啡仲更加攰得犀利...晏晝帶飯...但見到都無咩胃口...唉...太攰喇...所以食完飯...唔鬼理肥唔肥就瞓喇...