車仔麵

尋晚放工就慢慢冷番屋企...番到屋企第一件事係沖個超級熱水涼...真係舒服到不得了...之後就一路睇電視一路等里奧大人番黎喇...我唔煮飯而咁啱我唔舒服嘅話...車仔麵就係首選嘅晚餐...又快又方便嘛...由於我當時無咩胃口...但點都要食 d 嘢落肚...所以就食咗小小餸...真係食咗好小...因為唔想里奧大人唔夠食...但食開又好想食嘢喎...所以就唯有食兒時零食 "脆脆蝦餅" 頂肚...勁好味呀 

食完又中下中下咁睇電視...終於頂唔順...十點半就瞓覺喇... 

      

今朝都仲係唔多舒服....又無咩胃口...所以又係飲熱維他奶就番公司喇...

不過番到公司又無咩嘢...可能有嘢做...仲要係公私兩忙 

晏晝有 d 胃口喇...外賣腸仔通粉 ($12)...好在有得外賣...因為實在唔想行落街...因為我覺得出面好大風好涷呀

依排睇必瘦站嘅廣告...真係睇到頭都暈埋...講嘢又快...又用公仔遮住 d 肉...又轉黎轉去想轉移人地視線咁...講真...janice 有無瘦過...睇報紙雜誌都知啦...做咩無啦啦咁再做一輯新廣告丫...做得又求其...比人感覺仲古怪...唉...真係唔明 d 人...點解要瘦到排骨咁先至話靚...瘦到營養不良咁...好在...我好滿意自己身形...瘦中帶肥...肥中帶瘦咁...wakaka