天氣潮潮濕濕又突然涷番...搞到個人超唔舒服...所以好唔想煮飯...想休息下...想打邊爐去下濕...但...之前醃咗 d 免治豬肉...迫住要煮...想整台灣肉躁...但無浸冬菇...所以最後都係整魚香茄子就算喇
去到街市就咁買兩條茄子 ($7) 就走人喇
是日晚餐 :(扮) 魚香茄子煲 + 磨菇粟米蛋花湯
(扮) 魚香茄子煲 - 兩條茄子 + 一包 老李 "魚香茄子醬" + 免治豬肉 + 蒜蓉...今次醒喇...烚熟 d 茄子先再炒...如果唔係會食到個口好痕...所以里奧大人話今次係整得最好食喎...咁我好謙話多得老李出嘅醬汁啫...但之後再食咗兩啖就嫌唔似出街食果 d 喎...哼...玩嘢呀...出面食嘅魚香茄子煲 d 茄子係要炸咗先...同埋又會有鹹魚碎...再加 d 味精...梗係好食啦...自家煮係無咁好味...但無咁多油嘛...多多要求咁
磨菇粟米蛋花湯 - 罐頭磨菇 + 罐頭粟米湯 + 一隻雞蛋...超簡易...口感一流...食時加 d 黑椒粉仲正...
今次煮飯又係有肉有瓜...一碟搞掂...真係勁開心呀
里奧大人做唔切功課呀...所以只得我一個人跑步...一個人跑步都幾正喎...唔駛左等右等...不過...至怕我呢個索女跑步比人 "撩" 啫
呢排天氣潮濕...個人好易攰...所以十一點就瞓喇...
唔係咁餓...所以食奶油多 + 奶茶 ($13)...番到公司等發 mo
晏晝係帶飯...叮完成個 pantry 都充滿魚香茄子味
沒有留言:
發佈留言