咖哩豬扒飯 + 海南雞飯 @ 大家樂 + 紅青蘿蔔粟米海底椰豬展湯

咖哩豬扒飯 + 海南雞飯 @ 大家樂 + 紅青蘿蔔粟米海底椰豬展湯

可能呢排無煮飯...所以煮完餐 丁丁同蒜蓉包已經差唔多成個人虛脫

但幾攰都好...都要煲中藥...煲湯...洗衫...拖地

太耐無煲紅青蘿蔔粟米海底椰豬展湯...所以唔記得買栗子...如果唔係可以更甜

本來想炒米粉架...芹蒜呀...黑椒火腿都買埋...但唔知點突然情緒好低落好低落...做咩都提唔起勁咁...所以里奧大人話唔好煮喎...可能我作感冒喎...
好想食咖哩...所以去大家樂食咖哩豬扒飯同海南雞飯...我估我開始食厭咗海南雞飯...太好喇...唔駛再成日心思思想食喇...我成日都係咁...一鍾意食就會博命咁食...食到厭就唔食...真係痴痴地

番到屋企當然要飲湯啦...唉...但今次唔知點解...煲埋得三碗...唔通出咗去個幾鐘 d 蘿蔔索哂水??好慘呀...難得煲湯...點知要慳住慳住飲...真係咩心機都無呀...

         

今朝里奧大人北上...自己又早咗出門口...所以可以去美心快餐嘆早餐...食糯米雞 + 熱啡 ($20)...其實唔想食...但又突然好想食鹹嘢...所以就諗起糯米雞囉...
番到公司好忙...但個人超級攰...又要做...好辛苦呢...
早餐未落格又到食飯時間...好在帶飯...可以 me me 摩摩咁食...