敍苑粉麵茶餐廳 @ 九龍灣 ( 13-dec-2011 )

川椒雞球

 

XO 醬斑球蒸豆腐

 

椒絲腐乳唐生菜

( 13-dec-2011 tue )

星期二喇   每年 12 月都會好開心   可能好多地方都充滿聖誕氣氛啦 ~

早餐又食麥記   我好鍾意食佢地嘅煙肉蛋漢堡包嘅包   煙煙韌韌嘛 ~

喉嚨仲喺唔多舒服   都無咩心機   加上菇場無咩嘢做   真係勁想番屋企囉 ~

晏晝有 lunch box   就係尋晚 d 炒飯   不過叮完之後非常乾呀  口感勁似食緊糯米飯咁囉 ~

唔夠飽呀   所以食完出去行陣再買個包   番到菇場覺得越黎越唔舒服   個人好滾咁   摸下條頸   一按就好痛啦   應該係扁桃腺發炎 ~

放工睇中醫   不過個人好攰好攰   坐 van 仔咁短程都好想瞓呀 ~

番到屋企飲碗湯再熨衫   其實好想抖下   但見到堆衫就忍唔住會熨囉   咁我買咗拿破崙同椰撻比家姐   所以佢又去我屋企拎啦 ~



家姐一入屋無啦啦就話好火呀   我仲以為佢同媽咪鬧交   原來係同個地產 Agent  Sales 嘈   因為之前講好嘅俑金   居然計多呀   咁幾千都係錢丫   同埋家姐話比要比得舒服囉   唔明點解個 Agent 老闆成日話當茶錢   比茶錢唔係問題   但唔係成日 "lur" 人囉   之後個老闆打比家姐話原來計錯數喎   不過家姐話以後唔會再比生意你做   出面貴價都唔會幫襯你   係咪丫   為咗幾千蚊   日後生意都無埋   都唔知點樣計數   同埋做人最緊要老實丫嘛   依家隨時可以喺網絡世界寫衰你   咁樣做咪得不償失囉 ~

唉   8 點 35 分喇   之前打比里奧大人   佢話 7 點 45 分走得   我話好想等埋佢一齊食飯   所以我話等埋佢放工先食   點知依家都未打黎   我開始火黎喇   我唔舒服嘛   又攰   想早 d 食早 d 休息家嘛   如果佢仲做緊嘢   我自己食嘢算喇   好在佢話已經喺大圍   咁都好快番到屋企附近呢 ~

同里奧大人食小菜   本來想食粉麵   但突然又好想食飯   不過下次都係唔好咁夜食飯   因為真係好飽好飽囉 ~