住家飯 @ 媽咪屋企 ( 15-dec-2011 )

炸蝦

冬菇燜雞

豉汁蒸黃立鯧

炒白菜仔


齋滷味 ( 三德 )

春卷 / 芋角 / 鹹水角 ( 三德 )

芝麻卷 ( 三德 )

( 15-dec-2011 thu )

呢兩晚都冚羽絨   所以兩晚都熱醒咗   但尋晚係 feel 到條頸濕哂   要起身抹汗添呀   幾想沖涼呀   好在背脊無汗   同埋抹完僚頸都唔立痴痴   唔係真係幾難頂   但諗到未瞓醒就要沖涼   沖完果下好凍架  好易冷親咁呢 ~

本來想食熱香餅   不過好多人唔食 lu   去食沙爹牛肉通   食完好飽呀 ~

菇場無嘢做   好在精神   咁樣 d 時間無過得咁慢   好快到 lunch time   今次有 lunch box   但都係最憎洗碗囉   好似日又洗夜又洗咁   但又唔可以唔駛家嘛 ~

放工去媽咪屋企食飯   順便買個 cheap cheap 砂層煲仔   希望唔好咁易爆啦   本來想買零食   不過間零食店話買滿 $300 即時 7 折   所以等埋家姐先一齊買   一齊買嘢好開心呢 ~

去到媽咪屋企次次第一件事都係飲湯   其實我由細到大都習慣飲完湯先食飯   濕下個口好 d   不過里奧大人就相反   話飲完湯就食唔到嘢囉 ~

坐到 8 點半走喇   同家姐一齊買完零食   買咗兩大袋   即時 7 折   真係好抵   之後佢話我一袋二袋又輪輪盡盡   所以送到我入 lift 先走人呢 ~

里奧大人差唔多 10 點幾先番到屋企   諗住佢喺大陸食埋嘢   點知佢話買麥當勞番黎   問我食唔食薯條   我話買啦  陪下你   後尾又話唔食麥記   想食魚片頭麵   我話好丫   食麵好過食麥記嘅 ~