行程 : 酒店早餐 --> 阿表屋企 --> 陳秀蓮大樹頭蒸魚頭 --> 布城 ( Putrajaya ) -->
回教堂 --> 新行政區 --> 首相署 --> Look Out Point @ Ampang ( KL 夜景 ) -->
Steven Corner @ Pandan Indah --> 買 Durian Kunyit ( 貓山王馬來名) by Sri Hartamas Lorry ( 貨車檔 ) --> 阿表屋企 --> Corus Hotel
我去旅行好鍾意喺酒店度食早餐架 因為我覺得好有旅行 feel 喺香港唔會喺酒店食早餐家嘛 ~
今朝 9 點 45 分起身 梳洗之後就食早餐 估唔到早餐都好好食 因為有我最愛嘅 Sambal 不過呢度食早餐嘅人嘅有好雄厚嘅食力 我地食完一轉米粉 第 2 轉已經無 lu 同埋無再 Refill 囉 只係果汁有 Refill 咋 ~
首先去咗小寶公司附近 ( Solaris Dutamas ) 落車影下相 經過 ( Publika 商場 ) 又有好多食店 wow 最正係樓與樓之間好闊 喺度番工真係唔錯 ~
( 全 KL 最大回教堂 )
之後就去阿表屋企 小寶又比咗張電話卡我 又唔收我錢 噢 咁即係今朝好早出去買卡啦 真係搞到我地好唔好意思 好似咩都要人做咁 雖然我知佢地唔介意 但真係唔鍾意人地記掛我地 d 嘢而煩到佢地囉 比完張卡我地就當然要正式參觀阿表間屋啦 好光猛 望到藍天白雲真係好開心 如果我朝朝都望到藍天白雲 我真係放假都會自己喺屋企煮早餐食呢 ~
( 麵包超人排排坐歡迎我地呀 )
之後阿表又比咗一大堆零食比我地帶番香港 真係唔好意思囉 呢幾日已經打搞佢地 咁之前又要特登買零食比我喎 如果我無咁為食 阿表唔駛咁辛苦呢 哈哈哈哈 ~
阿表整咗榴槤沙冰 Welcome Drink 比我地飲 超濃郁呀 阿表話只係用 D24 但我都係第一次飲到最後一啖都仲有咁濃榴槤味囉 ~
里奧大人仲覆緊 Email 我都唔理佢喇 阿表又好忙咁唔知整咩 所以我都唔客氣 同小寶一齊坐喺貴妃梳化一齊食炸魚片 Hea 到爆炸 真係唔出街都無所謂 之後里奧大人做完嘢就一齊食魚片 玩 10 shot 玩到出哂汗同埋笑到好攰呀 ~
( 炸魚片 ) - Wow 阿表家鄉小食呀 脆卜卜好味呀 每塊有手掌咁大塊架
( 100 plus 對里奧大人好重要架 所以阿表一見里奧大人就比佢呢 有里奧大人就有 100 plus )
我地差唔多 3 點幾先去到大樹下食蒸魚頭 又係超好味 如果同里奧大人喺香港叫送食飯 佢唔會就咁叫魚同菜架 一定要有肉 呢餐佢都食到津津有味 非常之難得難得 ~
( 比較平民嘅排屋 對我黎講都好大架喇 )
青椒粒 - 無食呀 唔知辣唔辣
蒜蓉 - 好新鮮嘅蒜蓉
青椒 + 蒜蓉 + 豉油溝埋一碟仔送飯 白飯每碗 RM1
醬汁蒸鯇魚 ( RM26 ) - 好大件呀 同埋好厚肉 個汁又惹味 最正係一路蒸住嘛 咁樣每啖都係熱辣辣 正呀
冬蔭功蒸鯇魚 with 四大天王 ( RM27 ) - 我都仲未接受到酸酸地汁撈魚 所以阿表差唔多夾哂 d 羊角豆比我食 知我好小食到嘛 ^^
馬拉盞炒蕃薯苗 ( RM8 ) - 好爽脆啊 超好味 如果自己整到就好喇
北紫草涼水 x 4 ( RM1.5 x 4 ) - 阿表話飲咩就飲咩 因為我話要飲地道嘢
呢張 BB 櫈超穩陣呀 不過其實張張枱腳都係咁呢
( 十三洲旗 )
( 如果要入去參觀同影相 就要換呢 d 藍色袍同除鞋呢 )
我見到龍蝦仔好想食 咁再加個本地椰子 OMG 難食到暈 食完又再行下影下 再去另一個地方喇 ~
炸龍蝦仔 - size 有手掌咁大架 所以好吸引我囉 點知 d 肉係霉 我仲要 share 一齊食添 難為佢地咯 呵呵
本地椰子 - 諗住凍嘅 點知唔係嘅 唔凍嘅椰青已經非常難食 仲酸添 不過阿表話本地椰子係咁呢 咁都無咁驚
( 食完行完影完又開車去另一個地方 辛苦小寶同阿表喇 ^^ )
途經新行政區 好多人都會喺度註冊 之後順便影相 好似尖沙咀文化中心咁呢 ~
( 新行政區 )
我地再去布城 ( Putrajaya ) 影相 好有青馬大橋 feel 呀 ~
( 布城對面 )
呢日未完架 ^^
沒有留言:
發佈留言