金蘭花泰菜館 + 口甜舌滑 @ 九龍城 ( 17-dec-2011 )

拼盤 ( 春卷 / 香葉包雞 / 蝦餅 / 串燒 ) ( $86 ) - 一般啦   我覺得泰北美食好食 d 

乾炒金邊粉 ( $48 ) - 都 ok   不過我覺得唔夠酸   但里奧大人就成日話好漏喎

泰式炒通菜 ( $42 ) - 無厘味道


泰式梅子冰 ( $18 ) - 以為好似青檸咁酸酸地   點知飲到最後都好鹹囉

西米露 ( 免費 )

 楊枝金露 @ 口甜舌滑 ( $30 ) - 芒果都好甜   有 d 柚子   同埋好多西米   好大碗囉    

榴槤飄飄 @ 口甜舌滑 ( $33 ) - 無咩榴槤肉   但就超濃榴槤味呢   同埋又係好多西米   其實同里奧大人 share 一碗楊枝金露已經爆肚   因為無諗過咁大碗   食開嘅金滿堂好細碗之嘛   

( 17-dec-2011 sat )

呢兩次嘅星期六都教 8 點鐘起身   雖然比平時瞓多咗半個鐘   但反而瞓得仲唔好   兩次發夢都係無車番工   下次都係教 7 點 45 分好 d   咁樣唔駛咁大壓力咁呀 ~

今朝食熱狗餐   又幾好味噃   同埋好有辣鮮感呢 ~

菇場又忙啦   做到差唔多放工   唔錯呢   時間過得好快咁嘛 ~

本來今日同里奧大人會同朋友食 lunch   點知里奧大人話好忙唔去   想快 d 做完 d 嘢陪我去九龍城食嘢   我超勁開心啦   我問佢點解無啦啦咁好   佢話想陪下我喎   我覺得梗係尋晚同同事打邊爐無陪我   想作出補償啦 ~

放工去馬莎買嘢   見到裇衫有特價   又叫埋里奧大人黎睇喇   之後買飛睇戲再去 Piago Food Court 食嘢 ~  

食完嘢里奧大人就番屋企瞓陣   我就再去超市買嘢   買到慶合合   所以番到屋企要即刻沖涼呀 ~

差唔多 6 點幾就出發去九龍城喇   本來我想去泰北美食   但里奧大人話無理由成日都去一間   所以話去其他試下   我話見到邊間多人食就入邊間啦 ~

食完就去買鬧鐘   問里奧大食唔食糖水   佢話食   咁就去口甜舌滑食啦   不過唔知係咪西米好難消化   我食完個胃劇痛   一上巴士見到最後果行有位   我就即刻坐喇   平時唔坐架   一落車都要抖陣先行到   里奧大人見我咁辛苦   話揹我番屋企   我話唔駛喇   唔係一陣你斷骨都似 ~

番到屋企即咩啦   辛苦到我丫   咩咗出黎舒服好多囉   之後抖下   再出去 MCL 睇戲   睇 10 點場嘅 "福爾摩斯"   睇到 12 點幾   番到屋企即沖涼即瞓 lu ~