魚香茄子 ( 14-dec-2011 )

今晚好有心機切粒粒呀   切完之後覺得原來擺得咁整齊   哈哈

蘋果芝士   都係用普通芝士好味 d  

( 14-dec-2011 wed )

今朝想食芝腿治   點知無啦啦加咗價   芝士要加 $2   我覺得唔抵呀   所以食番腿蛋治喇 ~

菇場靜丫   不過都慣哂   反正個人唔多舒服   都無 mood 做嘢 ~

晏晝買兩餸飯   已經叫小飯   佢仲想再 "北" d 飯落個盒度   我話夠喇   好似 d 飯唔駛錢咁   不過就算小飯都好鬼多啦   我次次見到個飯盒覺得係男人飯盒   女仔人家食咁大盒飯   好似好大食咁   不過今日真係無咩胃口想食飯   好在有盒喺菇場   咁可以留番 d 飯今晚食 ~ 

放工去拎藥   再去街市買餸   明明諗好喺埋街市買豬肉   但行行下先醒起無買到   所以最後又要去惠康買 ~  

是日懶餐 - 魚香茄子

魚香茄子 - 一碟餸有菜有肉有汁就最好啦   本來想買魚香茄子醬   但諗諗下都係唔好   反正我又想清醬汁   求其溝算喇 ~  

里奧大人差唔多 10 點先番到黎   食咗好小咋   激鬼氣   我 lunch box 又已經爆哂   聽晚又唔喺屋企   無理由留到星期五嘛   所以佢問我點   我話妳自己倒咗去算   我唔會同你倒   我話食多幾條茄子唔會飽得去邊呀嘛   嘥鬼哂 d 嘢 ~

之後同佢講電費可能加成 9.x %   等你仲成日一番到黎就開哂所有燈又唔熄   無厘手尾   之後佢即刻熄番書房燈   房燈同埋廚房燈   根本就要一早熄啦   我依家唔會同佢熄架   我會同佢講   你一番到屋企我就最開心   因為屋企非常之光猛   我唔會驚呢   咁佢就知我講咩架喇 ~