鮑汁醬油雞 ( 大家樂外賣 ) + 蒜蓉炒菜心 ( 5-dec-2011 )

 ( 5-dec-2011 mon )

又星期一喇   又唔係好凍喎 ~

今朝又同 8 卦一齊食早餐   佢來來去去都係食果 d   食 lunch 又係咁   又唔食芝士   又唔食得辣   又小食炸嘢   又早起身   成個阿伯咁 ~

  

菇場忙呀   都好   好快就 11 點半咁囉   之後就等 lunch time 喇 ~

唔係太餓   所以出去行陣   差唔多 1 點就番到菇場   Lunch 又係 Special K + 豆奶   天氣凍咗先黎食 d 咁嘅嘢   依家好後悔買咁多呀 ~ 

放工去大家樂買鮑汁醬油雞   今晚終於有得買喇   可以煮小樣嘢 ~

番到屋企即浸菜   整蘋果沙律   再拖地   之後就等里奧大人番黎先煮飯   不過我太餓喇   自己食咗辛辣麵先   唔係頂唔順 ~

是日懶餐 - 鮑汁醬油雞 ( 外賣 ) + 蒜蓉炒菜心

鮑汁醬油雞 ( 外賣 ) - 上次喺媽咪屋企食呢   好入味架   呢隻唔好味嘅   同一機構唔同分店   差距咁大架   好唔掂喎 ~

蒜蓉炒菜心 - 之前同媽咪講話要蒜頭   點知次次番屋企食飯都買咗蒜頭比我   買到我唔要啦   屋企有好多嘛   我又唔係成日炒菜   所以今晚炒菜落好多蒜頭呀   因為 d 蒜頭發芽無咩味囉 ~  

今晚里奧大人差唔多 9 點先番到屋企   我就咁食菜同雞   無話比佢知我食咗辛辣麵   唔係佢又唔食飯   要食辛辣麵架喇   不過就算食我都唔會煮   因為煮咗好多飯   我覺得男人真係好煩   食就食啦  又揀 3 揀 4   大佬   唔駛番工就話妳想食咩幾夜都煮丫   我又番工又做家務   煮埋飯又依樣果樣   叫你諗食咩又唔諗   我唔夠狠咋   唔係等你餐餐出去食你就知慘 ~