坐車沿途又影下相啦 影下傾下 話咁快就天黑 lu ~
( 里奧大人見到水龍頭叫我影 阿表話係水務處黎架 )
( 平民區 )
影完去 Look Out Point - Ampang 去到要行一小段樓梯 再行上去就可以睇到 KL 夜景 沿途都有好多餐廳 坐喺度食嘢真係好好 feel 但阿表食開果間 pizza 又執咗 其他餐廳又無試過 所以唔喺呢度食喇 ~
我好驚行木板咁樣嘅樓梯 我成日覺得好唔穩陣咁囉 但唔行上去 又去唔到最好位置睇 KL 夜境喎 wow 真係好靚呀 唔係阿表帶我黎 我地又會錯失欣賞 KL 咁靚夜境嘅地方呢 ~
( Look Out Point - Ampang)
今晚去 Mamak 檔嘅 Steven's Corner 食晚餐 雖然係平民餐 但地方好乾淨 食物又好味 唔會因為平民而求求其其 賣相樣衰衰咁 特別係個 Cheese Naan 芝士好似唔駛錢咁 多到湧出黎呀 同埋食到好多唔同款 Roti 里奧大人最開心呢 之後找數 明明我地比咗錢 點知阿表同 Waiter 打哂眼色 話帶朋友黎食 所以佢點都唔收里奧大人嘅錢 係都要比番 d 錢比里奧大人 要收小寶 d 錢 佢仲拍拍里奧大人膊頭安慰佢話 Next Time Next Time 好搞笑呀 ~
Roti Canai 點嘅醬有 3 款 :
Curry Dal 豆 ( 左邊 ) / Curry Ikan 魚 ( 中間 ) / Sambal ( 右邊 )
香蕉 Roti ( 左下角 ) / 原味 Roti ( 右上角 )
我嘅 Nasi Lemak Ayam Goreng ( 炸雞 ) - 阿表話 Sambal 味道同 Madam Kwan's 有 d 唔同 不過我食唔出呀 哈哈
阿表嘅 Nasi Lemak Sotong Goreng ( 魷魚 )
Tandoori ( 咖哩雞肉 ) - 咖哩唔辣架 係好香
Curry Kambing ( 咖哩羊肉 ) - 唔羶架 口感似食牛腩 唔講真係以為係牛腩呢
Rendang Kambing ( 乾咖哩羊肉 ) - 好羶啦 所以叫里奧大人食哂佢 因為係阿表知道里奧大人會食羊 所以特登叫比佢食呢 好感動呀
香蕉餡 Roti - 香蕉餡好特別 第 1 次食咋 當飯後甜品唔錯
Roti Planta ( 牛油 Roti ) - 阿表同 Waiter 講話第 1 碟嘅 Roit 整得唔夠好 所以第 2 次再叫牛油味嘅 Roti 就整得非常靚仔喇 好香好脆呀
Cheese Naan - Woooooo 第 1 次見到咁多芝士 超好味呀 我主動話要 Encore 食滯都抵呀 哈哈
( 湧出黎嘅芝士 )
( 可以拉到好長架 不過我懶得行遠 d 影 同埋好想快 d 食 凍咗無咁好味嘛 )
( 估唔到 Encore 仲多芝士 好似火山爆發咁湧出黎咁呀 我覺得芝士多過包 真係超滿足呀 )
我嘅 Neslo Ais ( 咖啡 + Milo )
里奧大人嘅 The Tarik ( 拉茶 )
阿表嘅 Limau Ais ( 青檸水 )
小寶嘅 Ice Tea
( 佢地一見我拎起相機就笑 好合作呀下 good 對鏡頭咁敏感 真係想影佢地認真做嘢個樣都唔得添 嘩哈哈哈 )
( 我影完樓上兩位哥哥就走啦 但聽到有人叫咗幾聲 Auntie 我唔認家嘛 不過個方向係向住我叫喎 又得我一個人行 即係叫我啦 咁我又唔想咁無禮貌直行 我一拎轉臉 佢已經擺好 post 叫我影 嗚嗚嗚嗚嗚嗚 做咩叫人 Auntie 架 定係所有女人都叫 Auntie 呢 咁樣諗會舒服 d 嗚嗚嗚嗚嗚嗚 )
( 呢餐銀碼好似係 RM7x 多謝阿表 & 小寶 ^^ )
食完又到重點節目 就係食貓山王喇 今次買去阿表屋企食 一路食一路傾 一望鐘已經 1 點幾 點解 d 時間過得咁鬼快架 我地想自己坐的士番酒店 不過阿表唔比 係都要開車車我地 真係辛苦哂啊 ~
( 呢架就係榴槤車喇 )
( 原來貓山王好細個架咋 )
( RM17/kg 開咗 2 個 多謝阿表 & 小寶 ^^ )
( 左邊呢盒貓山王係甘 d 右邊嘅就甜 d 但得我覺得左甜右甘囉 食咗幾粒都係咁喎 真係好怪 所以佢地再唔相信我味蕾 lu 喔喔 而有榴槤就實有 100 號陪伴左右呢 )
番到酒店睇下自己用咗幾多錢 好似無乜用到咁 因為餐餐都係小寶比哂 咁我同里奧大人都諗定計仔 無理由要人地比哂 佢地真係出心出錢出命呀 晚晚陪到我地咁夜 又送埋我地番酒店 朝早又要接我地 再諗番起阿表叫我地兌換 RM500 咁小 更係唔想我地請客啦 好在我有計仔 咁就可以好安落咁瞓喇 ~
呢日行程完畢 ^^
沒有留言:
發佈留言