住家飯 @ 媽咪屋企 ( 8-dec-2011 )

煎牙帶魚

午餐肉煎蛋

鏞記臘腸 / 潤腸

燒腩 ( 外賣 )


炒椰菜花

淮山杞子山斑魚湯


林柿 / 桔仔

( 8-dec-2011 thu )

星期四 lu   尋晚終於可以 11 點瞓   其實好想 10 點半就瞓   但依家咁夜先食完飯   咁洗完碗再沖埋涼就即瞓   我又唔想喎   好似好 dry 咁   會想睇下電視或者雜誌 relax 下咁呢 ~

早餐食雪菜肉絲米粉餐   我好鍾意食呢間嘅雪菜肉絲米   因為無咩肉絲   今次得兩條仔肉絲   要好眼利先睇到呀   我就無咩所謂   因為我不嬲都會 "了" 哂 d 肉絲唔食嘅   但要走肉絲又話唔得囉   但正常雪菜肉絲米係唔會咁小肉絲囉   所以其實呢間嘢都好鬼孤寒 ~

菇場靜丫 好在 8 卦又得閒   可以一齊 MSN   但最慘係唔可以笑出聲囉   唔係就更開心 ~

晏晝同 8 卦一齊去麥當勞食嘢   佢話要玩大富翁   所以我地會一個星期食一次   今次我都好好彩   仲咗杯細可樂   好過無啦 ~ 

食完喉嚨有 d 唔舒服添   但我自己食一包薯片都無問題架喎   今次又會咁嘅 ~

今晚本來同埋媽咪家姐一齊去打邊爐   但媽咪話腳痛都係唔出去   所以又變咗食番住家飯   諗住買半隻乳豬   居然無喎   好唔開心囉   最後我買咗 1 斤燒腩   咁都要 $98   我估唔到咁貴呀   之後家姐知我想食乳豬   話去第度買比我食   我話唔駛啦   都買咗燒腩咯 ~

我同家姐 8 點 45 分走喇   夜晚開始凍呢   一路行一路縮   之後問佢情願好熱好熱食碗湯麵   定情願好凍好凍食碗刨冰   佢話要熱   凍真係好辛苦   不過依家凍就咁講啫   夏天問佢可能又話想凍食刨冰   因為我上次叫佢沖涼 d 水唔好咁熱   佢就話咁咪要凍水囉   之後我話 d 水要熱 d   佢就話係咪要熱到辣肉呀   我咪話佢囉   唔好咁極端先家架 ~

行下超市就番屋企   之後打比里奧大人   佢話未走得   之後 10 點半就打比佢   原來佢已經喺九龍灣   幾驚仲未走得呀   喺香港就唔同   喺大陸就唔好啦   番黎要個半鐘家嘛   好慘啫 ~