茄汁豬扒 + 蘋果粟米蟹柳沙律 ( 6-dec-2011 )

( 6-dec-2011 tue )

尋晚 11 點 15 分瞓覺   但瞓到差唔多天光好似醒醒地咁   不過我會繼續瞓 ~

早餐又食三文治   不過其實唔想食咁多蛋   但又唔想食芝腿治同粉麵喎 ~  

坐喺我對面嘅女人食火腿絲通粉   佢將 d 通粉係咁了   明明 "北" 咗更通粉   又放番落去   之後又係咁了黎了去   仲以為想食 d 火腿絲   但最後都只係食通粉   都唔知了黎做咩   食就食丫嘛   如果想無咁熱   咪 "北" 起一更黎吹囉   同埋又一路食嘢一路飲嘢   應該吞咗落肚先飲家嘛   點解我咁留意佢   因為之前人地問佢塊方包轉唔轉多士   佢話唔轉   因為食唔哂   之後早餐到咗   佢唔食蛋黃   咁又將塊方包同蛋黃擺到好整齊   我以為佢食塊方包   原來唔食嘅   唔食就唔好要嘛   之後見佢飲杯茶   我見到個杯有 d 好似細細粒麵包碎咁樣嘅物體   但佢成杯茶飲哂呀   我覺得好嘔心   我唔會飲茶餐廳 d 茶 or 水架   硬係有陣味咁囉 ~

菇場好靜   d 氣氛令到我覺得好醃悶咁呀   加上呢排又唔夠瞓   好想瞓呀 ~

晏晝又食 K + 豆奶   依家天氣凍   所以好快餓   4 點左右就要食個包仔   唔係好難頂到開飯囉 ~

放工去超市買餸   番到屋企醃好豬扒就熨衫   抖陣就開始煮飯喇 ~

今晚里奧大人 9 點幾先番到屋企   不過都同佢一齊食飯啦   傾下食下   佢會食多 d 咁呢 ~ 

是日懶餐 - 茄汁豬扒 + 蘋果粟米蟹柳沙律

茄汁豬扒 - 突然超勁想食茄汁豬扒   所以就整喇   不過好似真係好耐無整豬扒    加豉油同老抽重手咗   有 d 鹹呀   如果唔係更好味   哈哈 ~

蘋果粟米蟹柳沙律 - 買咗 d 富士蘋果成個星期   諗住即買即整   點知成日好攰無心機整   好彩無爛咋   所以今晚唔整唔得啦   不過我都好鍾意食蘋果沙律   爽爽甜甜   里奧大人就最 like 添啦   因為唔駛切就有生果食嘛   但就要走醬囉 ~