行程 : 酒店早餐 --> KL Tower --> 林家鋪子 @ Manjalara -->
Bestari @ Soho KL ( Solaris Mont Kiara ) --> KLIA
Wow 話咁快就 Last Day 喺 KL 喇 時間過得好快 覺得 d 時間超級唔夠用咁囉 ~
今朝又係 9 點起身食早餐 都係無炒米粉呀 點解架 ~
食完番到酒店沖涼再執好行李 之後等阿表 今朝小寶原本要番工 不過要整牙 所以佢番唔到工同埋食唔到嘢 咁將重任再次交比阿表喇 阿表帶我地去 KL Tower ~
KL Tower
馬來屋 - 我初初以為佢係傻佬 因為佢係咁 r 痕 後尾有人叫佢 先知道佢係跟團黎嘅呢
唔知點解見到椰樹好開心 加上藍天白雲 所以更加開心呢
阿表請我地去食 Farewell Lunch 就係去 Manjalare 嘅 Lim Kitchen ( 林家舖子 ) 食魚麵炒腸粉喇 不過今次里奧大人話佢喉嚨唔舒服喇 因為尋晚食咗撈生嘅脆卜卜 所以都食唔到 d 炸嘢 不過唔緊要 我可以食埋佢果份 ~
西刀魚丸 ( RM6 ) - 好鮮味呀 完全唔腥
釀豆腐 ( 羊角豆 / 紅椒 / 豆腐 / 苦瓜 ) ( RM10.80 ) - 我鍾意食 不過里奧大人話鍾意香港嘅煎釀三寶 香口 d 喎 我覺得唔同食法呢
魚麵炒腸粉 ( RM7.0 ) - 好味呀 魚麵唔腥 同埋腸粉都幾煙韌
炸腐竹 ( RM1.5 x 3 ) / 炸豆根 ( RM2.50 x 2 ) / 炸水餃 ( RM4.0 ) - 脆卜卜好味道 同埋炸出黎唔多油 正
Hainan Tea 海南茶 ( RM3.50 ) - 其實同影相嘅唔一樣 點解我會知呢 就係因為店員主動話同我地換過杯 話呢杯濃得滯喎 不過我同里奧大人都唔覺得濃喎 哈哈 所以我覺得呢間店好認真對待客人呀
我嘅凍白咖啡 ( RM3.50 ) / 阿表嘅桔仔酸梅 ( RM2.0 )
( 呢餐銀碼係 RM48.80 多謝阿表 ^^ )
以為食完去接小寶 點知原來係最後一擊去 Soho KL ( Solaris Mont Kiara ) 嘅 Bestari 食 Roti Tissue 因為阿表知我好想食 所以點都帶我去食呢 ~
Roti Tissue - 有 d 沙糖喺面架 又脆卜卜 慢慢拻黎食 超正呀 阿表話越高係代表師傅嘅功力越勁
前 : Bandung Ais ( 玫瑰+奶)
中 : Sirap Ais ( 玫瑰)
後 Limau Ais
粉紅色同紅色都好飲喎 我其實好怕印度飲品架 覺得超多奶同古靈精怪 不過呢兩杯真係好好飲呢
食完再番屋企接小寶 原來小寶原本約咗牙醫 2 點 不過阿表話驚趕唔切送我地機 所以叫小寶早 d 去 如果無人做 佢可以做先 咁就可以送到我地機喎 不過佢做完牙手術好痛 但都堅持要送我地機呀 我地真係好感動好感動呀 ~
藍天白雲嘅馬來西亞 再見喇
Oh 好快到機場咁呀 嗚嗚嗚嗚 真係要走喇 幸運感恩食食食 1189 公里大馬遊完美結束喇 我十萬個唔捨得呀 其實一上車去機場已經想喊啦 不過我好驚無啦啦咁快會嚇親佢地 一落車喊到我丫 嚇到里奧大人話下個月再去馬來西亞搵阿表呀 ~
去 Check-In 仲好笑 Counter 個男仔見我喊 佢好驚呀 等我冷靜咗先同我 Say Hello 逐個字 "鄧" 出黎講蝦 ~~ 佬 ~~ 好搞笑 ~
入到去又再去 Old Town Coffee 飲白咖啡 唔知係咪心情好低落 所以覺得唔好飲囉 之後我去洗手間 里奧大人知我又喊 佢都話好唔捨得阿表同小寶 有 d 心酸 話見足咁多日唔係好事喎 ~
上機派咗 d 小食 之後我瞓喇 唔係講笑 真係上機先叫做停一停無喊到 因為我對眼喊到好痛 同埋個頭好痛呀 所以好快瞓咗 之後到用餐先醒 都係食咗小小咋 飛機餐真係好難食 ~
我覺得 d 坐位好 Colorful 好似好熟面口 原來係同去馬六甲嘅加油站一樣咁 d 櫈都係五顏六色好靚呀
今次估唔到可以買到一箱食物同醬料番香港 同埋阿表又比咗一喼零食我喎 所以要搭的士番屋企 唔係好難拎番屋企囉 ~
好在我買咗羊角豆同指天椒番香港 所以一定要第一時間拎出黎放入雪柜 點知一開喼 原來樽桔仔蜜個蓋扭唔實架 好在阿表叫我地包幾層保鮮紙 唔係成樽無哂都似 ~
呢次馬來西亞之旅真係好開心好盡慶 真係無諗過會咁囉 呢幾日阿表同小寶管接管送 又安排全程景點同美食 我同里奧大人都好感動有貴賓式款待 亦都覺得唔好意思打搞咗佢地咁耐 今次呢個 Trip 對我地黎講真係畢生難忘呀 堅架 好多謝妳地咁重視我地呀 阿表小寶 Terima Kasih ~
幸運感恩馬來西亞遊完美結束 再次多謝阿表同小寶嘅熱情款待 Terima Kasih ^^
沒有留言:
發佈留言