墨魚滑
蜆
羔蟹仔
泥猛
蟹籽丸 / 芝士丸 / 蜜糖腸 / 黑椒腸 / 龍蝦丸 / 墨魚丸 / 魚片
響鈴
新鮮炸魚卷 / 炸魚片
西洋菜餃 / 魚皮餃 / 韭菜餃 / 水餃 / 雲吞
炸魚皮
芋絲
金菇
油麥菜 / 唐生菜
蒜蓉
指天椒
蔥花
沙爹 / 芫茜皮蛋湯底
想買張床仔比寶寶好耐架喇 不過又懶出九龍城 估唔到上次喺菇場附近有間 pet shop 有得買 咁啱呢日又凍 啱哂啦 超感恩呀
老友好鍾意睇貓貓嘅大籮 pat 不過好難影 下次再影過
裝裝裝 仲以為佢裝乜 原來裝里奧大人呀 怕陌生人呢
( 10-dec-2011 sat )
今朝 shopping 之後食埋早餐 10 點就番到菇場 時間啱啱好 ~
老闆 OFF 諗住 hea 住過 點知又係有嘢做嘅 係咪咁邪呀 ~
放工同 8 卦一齊坐巴士去九龍灣 之後佢有佢嘅節目 我就番屋企執下嘢先 仲可以開機洗衫 天氣咁乾燥 尋晚洗完 d 衫都乾哂 lu ~
今晚去媽咪屋企打邊爐 所以家姐就買嘢食拎咗去媽咪屋企先 之後再黎同我食 tea 咁我就帶爐同個煲去媽咪屋企 咁家姐食完 tea 之後 我將所有嘢擺去佢架車 佢順便拎埋去媽咪屋企喇 ~
番到屋企即做嘢喇 就係煲雪梨蘋果山楂羅漢果茶 之後再熨衫 抖多陣就出發 lu ~
本來諗住同媽咪食泰菜做冬 不過天氣太凍 媽咪唔敢出街 媽咪叫我地 3 個自己去食 我話咁食都無意思啦 不過一齊打邊爐好過 又熱辣辣 ~
其實我覺得預備打邊爐嘅食物仲煩過煮一餐飯 因為好多嘢食都要一隻碟 洗起上黎 加加埋埋唔小嘢 ~
里奧大人今日超忙 所以一路食一路做 我都唔理佢喇 時間嘅嘢係自己安排 食餐飯都要邊做邊食 傾下計都唔得咁 所以我地都自己食先 佢埋位就自己再淥過 ~
差唔多 9 點 15 分里奧大人無啦啦話走先 好多嘢做 咁我其實一早應承咗家姐陪佢去淘大買衫 不過家姐仲有 2 隻蟹未食 所以家姐同媽咪叫我走先 我話我等埋都無所謂 但家姐話食得黎再落去 人地都收舖 都係叫我走先喎 咁我都走啦 聽日有時間再陪佢睇過 我都唔想買嘢買到咁趕 ~
今晚打邊爐食剩唔小嘢 所以我話我拎走 咁聽日就唔駛買餸喇 ~
番到屋企里奧大人第一時間做嘢 見到佢咁忙 都係為頭家啫 但見佢做到咩私人時間都無 想話陪我去超市買嘢都唔得 我其實覺得好唔開心架 但又好心痛佢一星期做足 7 日 好在我都會體諒 又好慶幸間屋有 d 亂 咁我可以執屋無咁悶嘛 屋企又好多書未睇 喺屋企都唔會悶嘅 如果真係好悶 都可以叫家姐黎陪我 再唔係就去搵媽咪 都幾好丫 ~
沒有留言:
發佈留言