海港酒家 @ 將軍澳中心 ( 3-dec-2011 )

魚腐

蟹捧

海膽丸 / 蟹籽丸

蝦滑

水餃 / 雲吞

鮮腐竹 / 炸腐竹

美國肥牛

炸魚皮

醬料

沙爹湯底

西瓜汁

( 3-dec-2011 sat )

星期六多數 8 點先起身   因為老闆多數 9 點半先番   咁我 9 點 10 分番到菇場   佢都唔知我遲到呢 ~  

菇場多嘢做啦   次次都係咁嘅 ~

放工約埋家姐番屋企   坐咗陣就同埋里奧大人一齊出去 Delifrance 食嘢   其實我想飲茶   不過家姐唔制 ~  

黑椒豬柳扁意粉

肉醬煙肉香腸粟米炒長通粉


薯仔沙律


食完就各自活動啦   家姐搭車番屋企   我就同里奧大人去買相機   今次買 G12   雖然出咗年幾   我又無咩所謂   出嘅時候自己部相機未壞嘛   無理由咁浪費丫   依家部相機微距好似有 d 問題   所以就買新機喇 ~  

番到屋企就煲雪梨茶   今次用 5 個雪梨 + 1 個蘋果 + 1 個雪耳   夠哂潤啦   不過仲諗住夠甜   點知無味   要加冰糖   加咗好飲好多呢 ~

抖咗陣就出發去官塘廣場買嘢   突然好想食粉果   咁當然要去食啦   之後再去將軍澳   約咗里奧大人家姐食飯   今次家姐都黎埋   因為佢一聽見話打邊爐就流哂口水呀   如果普通小菜佢就肯定唔黎 lu ~

同里奧大人屋企人打邊爐   次次都係淥哂然後擺喺碟   之後拎黎食   話驚熱喎   大佬   咁擺法又核突   隻碟實有 d 湯家嘛   好似食剩咁   同埋妳擺埋一邊   人地都唔記得食添啦   打邊爐唔係咁打家嘛   食下淥下又食下咁先過癮家嘛   我地食到差唔多 10 點就走喇   家姐自己搭巴士   我地就搭地鐵   咁里奧大人就拍家姐膊頭叫佢小心 d   但家姐話佢好大力   真係唔死都一身潺呀   里奧大人捉人又係好鬼大力   有次我隻手嘅不見天位瘀咗   諗咗好耐先記得係佢捉過我黎   因為呢 d 位真係好難瘀囉 ~

覺得好熱同埋好口渴   所以去麥記買杯思樂冰   飲完舒服都震呀 ~