Day 4/6 ( Part 1/2 ) 幸運感恩食食食精華遊 @ 馬來西亞.吉隆坡.馬六甲 ( 27-dec-2011 )

( 27-dec-2011 tue )

行程 : 酒店早餐 --> 馬六甲一日遊 --> Cendol ( 紅屋對面) --> 古城粒粒雞飯 --> 逛古城 --> 益昌咖啡 --> 買手信 --> 萬里香 Satay Celup @ Jalan Ong Kee Wee --> 返回 KL --> Corus Hotel

今朝又係 9 點起身梳洗   食完早餐就等阿表通知出發喇   為咗就我去馬六甲   小寶特登請假陪我地   超勁感動呀   其實我個心好矛盾架   勁想佢一齊玩   但又唔想阻住人番工嘛 ~

為咗食呢粒西刀魚蛋而食碗米粉呢

馬來西亞嘅木瓜同西瓜喺香港賣得好貴   所以主打食呢兩樣生果   不過今次兩樣都無咩味啊


生果 & 果汁區

湯粉麵 & 奄列區

呢日藍天白雲   陽光普照 ^^


去到中途就到休息站   去下洗手間咁啦   亦都可以食下嘢抖下咁呢    之後雖然有小小塞車   但感恩架車會郁   唔會停咗唔郁囉   咁樣真係人都顛 ~

沿途藍天白雲   超正


加油站


再出發去馬六甲喇




有小小塞車   不過唔緊要   阿表拎相機出黎玩自拍   我地咁都影咗好多張呢


首先去馬六甲河  (Melaka Riger Cruise )   好有大澳 feel   加埋藍天白雲   阿表叫我地要即刻影相   因為馬六甲 d 天氣好唔穩定呢   影完再去影荷蘭紅屋廣場 ( Dutch Square )  再食地道小食   食完都有 d 飽囉 ~

  

馬六甲河

紅屋


  

Cendol - 以為好稀   點知一"北" 都好多料   呢日都幾熱   所以食完呢碗冰   個人好舒服呀   ( 我地坐喺樹下面嘅   小寶話好多雀仔   話可能會有雀屎   之後笑笑口指住地下話有雀屎  因為啱啱有隻雀仔飛過   oh   小寶次次指親嘅嘢都有 d 嚇人呢 @.@ )

Cendol - 呢碗係小寶嘅

Ubi Goreng ( 炸番薯 ) / Pisang Goreng Tanduk ( 炸香蕉 ) - 呢兩塊係炸蕃薯   熱辣辣脆卜卜超熱氣   不過好好味   原來仲有炸香蕉架   不過遮住咗    


阿表原本想帶我地去中華茶室食海南雞飯   不過已經 closed  阿表話賣哂就會 closed   但我又唔會失望喎   因為我下次會再黎嘛 ~

諗住再去另一間   去到啱啱截人   咁唯有去古城雞粒飯啦   估唔到都要等   不過係阿表同小寶等囉   阿表叫我地爭取時間咁好天影相喎   話唔係次次都咁好天   佢咁講   我地覺得衰都照做啦   到有位嘅時候阿表就 call 我地 ~

     

有 d 建築物係有年份   可能係 1936   即代表都好耐歷史呢   不過我無影到   哈哈

阿表原來叫埋嘢食添喇   仲特登留低 Menu 比我影相   好感動呀   成日記得我講嘅嘢 ~

我 load 相嘅時候   以為真係有個人企咗喺度架   再睇真 d 原來係蔡 san 紙牌


雞粒飯 ( 4 個位 - 20 粒 ) RM6.0 - 我覺得外型非常得意   但唔鍾意 d 口感囉




白雞 ( 1/4 ) RM9.0 - 無咩特別   哈哈   可能我唔識食呀

甘榜雞 ( 1/4 ) RM13.0 - 其實味道同白雞無咩分別   不過就滑過白雞


海南雞辣醬 - 我超 like 呢 d 酸酸地辣椒醬架   不過之前食完個肚唔舒服   所以點咗好小呢

蔥油豆腐 RM7.0 - 都幾好味   好滑


油菜 RM7.0 - 我鍾意食呀   可能因為有汁啦

桔子酸梅 RM2.5 - 阿表介紹架   飲完無咁滯

cheerssss~~~~

食完影下相

  
 



( 呢餐銀碼係 RM48.20 )

食完諗住一齊行   點知想落雨咁   佢地番去車度攞遮   因為我同小奧無帶遮啊   咁阿表叫我地自己行去影下相   之後我肚唔舒服   好在有洗手間咋   會合之後再影 10 shot   玩到出哂汗   其實每日最大運動量係影 10 shot 囉   wow   影完就落雨呀   好在阿表有兩把後備大遮   唔係就慘咯 ~

The Orangutan House (  由本地藝術家 Charles Cham 開設的 )

    

影完去益昌買黑咖啡   再三叔公買咗樽陳年老桔就走喇   阿表好想我地試 3D 榴槤冰   但就覺得味道可能無咁好   不過想買嘅時候已經無哂   我話仲好啦   反正都話無咁好味   留肚食其他好過 ~  

呢日仲未完架   下篇再寫 ^^