敍苑粉麵茶餐廳 @ 九龍灣 ( 7-dec-2011 )

( 7-dec-2011 wed )

今朝一出街   勁有回南天呀   超級唔舒服   同埋令人好攰咁囉 ~

突然好想食麥當勞呀   好在有位   坐我隔離係一對男女   男嘅就一路食一路用 Ipad 睇報紙   女嘅就自己好悶咁喺度食   個樣真係好悶咁架   但又唔敢叫個男嘅唔好睇報紙咁囉   我同里奧大人一齊等嘢食都會各自用手機上網睇嘢 or 玩 game   但嘢食一到   我地會收機囉   其一要食嘢   其二都要傾下計家嘛   望住手機食嘢   咁不如各自分開食   唔得咁囉 ~

( 我覺得個包好似隻風帆  張白色紙就好似巨浪  好有動感呀   嘩哈哈哈哈 ) 

嘩   好忙呀   忙到 lunch   好在 lunch 都係食 K   慢慢食都得 ~

之後又繼續忙喇   我 Partner 就不知幾好瞓   好心啦   呢 d 人真係不知所謂   真係唔明佢點教仔   學佢就慘啦   咩都唔要蝕底   9 點 20 分番工   食飯又食多 10 分鐘   開工時間就瞓   放工準時即刻走   真係得佢做得出   不知所謂 ~

放工出旺角睇中醫   睇完就搭巴士番屋企   等埋里奧大人一齊先食飯呢 ~

9 點幾先食嘢   都唔夠食咁飽咯   番屋企食埋 d 沙律好過 ~