( 3-MAR-2014 MON )
今朝要翻熱 d 中藥同肉汁 真係用唔小時間洗嘢 如果唔駛洗嘢就好 lu ~
早餐去另一間試下 我無諗過 d 蛋嘅份量都幾多 但我連續幾餐都食咗蛋 所以有 d 驚 ~
菇場忙啦 忙到 lunch time 本來諗住買番黎食 不過對眼好濛 所以都係出去食 唔想上網呀 ~
又食酸辣米線喇 今次超勁飽 所以要停一停喇 ~
諗住幫晴晴買頸巾同手襪 不過最後都搵唔到 但居然比我買咗條頸巾比自己 d 質地好 soft 架 同埋超勁暖 又抵喎 $169 仲有 7 折 最鍾意喺季尾買嘢 實買到平嘢 呵呵 ~
番到菇場做下私人嘢 搞掂哂就諗住抖下啦 星期一好鬼攰家嘛 點知無啦啦又有好多嘢做 之前里奧大人同家姐話忙 但都會眼瞓 我話忙緊點會眼瞓喎 估唔到原來真係忙都可以好眼瞓囉 我終於知道佢地講咩喇 ~
放工都未做完 但唔係 urgent 所以留番聽日做呢 ~
今晚唔駛買餸 勁開心 不過番到屋企都要即刻煲中藥同預備晚餐 再開機洗衫 之後就燉肉汁 咁我喺廚房整緊嘢 突然聽到好刺耳嘅響聲 我仲以為係時間計 shot 咗添 之後出廳啦 原來係由個燉盅度發出黎 之後我再開幾次都係有響聲 同埋有小小燶味咁 之後唔理佢啦 搞掂哂 d 嘢就諗住拎 d 肉汁出黎煲啦 我先發覺我原來無加水就按制 唔怪得響啦 太論盡喇 ~
我 7 點自己食先喇 食完抖陣就沖涼 lu ~
是日晚餐 - 蒜汁豬扒 + 臘潤腸炒蜜糖豆
蒜汁豬扒 - d 豬扒鞋鬼到呢 係鞋到不能再鞋呀 我咬到個口好攰囉 里奧大人一咬已經話 over cook 不過唔理架 我要佢照食囉 ~
臘潤腸炒蜜糖豆 - 又撞鬼啦 今次到 d 臘潤腸又係好鬼硬 唔知係咪厚切黎煎呢 之前幾次薄切無咁硬架噃 里奧大人話呢餐食到好攰 嘩哈哈哈哈 ~
睇埋 The Mentalist 差唔多 11 點 20 分就自己瞓先喇 今日真係好鬼攰呢 ~
今日晏晝喺 Stitch & Soul 買嘅頸巾 超鍾意呀
米線笠..encore good morning呀!! 呼~你終於都停一停食米線啦..恭喜恭喜!
回覆刪除我果個星期連食2日都滯左啦~準備消化..你又久唔久post米線~攪到我又滯返
哈哈哈哈~堅架! 真係睇見都驚左呀!
哦????! 原來你直接炒臘腸~我通常先蒸後炒囉..不過你應該都懶得咁做..哈哈
諗起食硬野咬到口軟都feel到個感覺~好似上次去水晶晶食果個薄餅一樣..攰架! 哈哈
依款頸巾又軟又暖呀~有次係九龍城見到一款斑紋..好後悔無買~勁鐘意又方便笠頸
四笠子 哈哈 午安啦 頭先出去有 d 熱 不過夜晚又得番 16 度 呢 d 天氣真係唔知想點 ~
刪除嘩哈哈 我恭喜妳先啱呀 妳終於可以停一停 ~
我完全明啦 等如我姑奶就咁講話食頭抽豬扒 我就咁聽都已經驚喇 係咪咁呀 ?!
因為我要用 d 臘腸油炒蜜糖豆呀 所以直接蒸 我唔係懶 係要快 嘩哈 ~
水晶晶薄餅邊夠我呢塊豬扒咁堅呀 嘩哈哈哈哈 ~
呢款頸巾超正 我鍾意虎紋多 d 我依家鍾意笠頸果 d 頸巾呀 唔駛左 fing 右 fing ~
酸辣四之之~ 又係我喇 今日都ok唔太b可以hea住做..日日都係咁就好喇 你今日b唔b呀..冇佐個同事係b啲架喇 不過充實啲都好過悶死既
回覆刪除又係米線 haha 唔怪得mi笠話消化完見到你碗米線又滯過喇 你係咪唔like食魚旦米嗰類架?
我覺得做慣做熟先會又忙又眼瞓 如果好緊張做錯應該唔得閒眼瞓囉...
下次試下買梅頭喇 淋好多同埋煎耐佐都唔會好韌 咬到個口好攰我都試過呀 哈~ 食食下會冇心機再食 搵日都炒下蜜糖豆先 好耐冇食
條頸巾望落真係好soft好暖 但我好少載頸巾架 可能條頸短載佐唔好睇...
一碌木午安好啦 頭先食咩呀妳 ?!
刪除我忙咗成朝呀 依家星期一朝早多數忙呢 ~
酸辣米線好開胃架 佢自己成日諗埋一邊之嘛 嘩哈哈哈 ~
魚蛋米都 ok 嘅 但一定要有辣椒油囉 ~
做慣做熟先眼瞓 ?! 咁妳又講得幾有道理咁噃 哈哈 ~
好 下次我買梅頭先 不過驚下次又唔記得咗 哈 ~
蜜糖豆好味呀 可惜老奧麻麻地囉 ~
凍就要 cool 頸巾架喇 唔係成身都唔暖咁呢 ~