食剩 1/3 佢地應該星期一再打過 呵呵
餓呀 所以家姐淥咗 d 丸先 塞住我把口 哈
大蜆 家姐話要食 d 新嘢 唔想成日來來去去都食果 d
珊瑚蚌
海蝦 - 家姐話 d 蝦都爽 但唔似海蝦 似草蝦嘅爽喎 我就唔識啦 之後我問佢工人點揀海蝦 佢話 d 蝦係粉粉米紅色就係海蝦喎 咁呢 d 都唔係粉粉地紅啦 佢又唔提家姐話唔係海蝦 @@
脆肉鯇魚骨 - 呢度係細份 好似 $35 家姐工人好鍾意食 所以係咁叫家姐買 我覺得口感幾得意 不過都幾腥 最衰家姐啦 成日問驚唔驚腥 搞到我形住哂 哈
生蠔 - 里奧大人啦 臨出門口前先話想食蠔 咁我即去百佳買 諗住買桶蠔 不過無貨 咁我就買一 pack pack 果 d 啦 不過家姐話食落有 d 苦同酸呀 但我同里奧大人又唔覺喎 可能連埋辣椒蒜頭一齊食唔覺 @@
鵝腸 - 家姐見我之前想食 所以就買 最勁係佢居然問我邊度買 鬼知咩 媽咪又唔知 所以佢去街市問人 最後好似係喺買滷水嘢嘅舖頭買 呢度好似 $20
手切肥牛 - 必食 因為家姐要我食多 d 牛肉補血
佢地買咗新嘢 就係左上角同中間嘅黃色正方物體 不過係唔好食嘅
蝦卷 + 魚片 + 金菇
韭菜餃 + 雲吞
響鈴 - 我食完 1 個之後 個胃即刻脹哂咁呀 好驚 好在之後無事
炸魚皮 - 因為今次係中午前買嘢 而食開好味嘅魚皮係 4 點先開 所以試另一檔炸魚皮 好薄身 好似食薯片
唐生菜 + 西洋菜 + 油麥菜
( 8-MAR-2014 SAT )
8 點起身 又食碎蛋吞拿魚飛碟 勁好味呀 哈 ~
菇場無嘢做啦 同同事 PMS skype 過日 佢又係好真性情嘅人 所以鍾意同佢一齊傾計 ~
好快就 1 點喇 里奧大人話唔知去邊好 咁我話番屋企抖下 ~
差唔多 2 點半就出去食車仔麵 今次 d 辣汁又辣喎 但係辣汁嘅份量係無上次咁多架噃 ~
食完行陣商場 里奧大人買咗件褸 咁啱我又睇仲咗件冷外套同短身斗蓬褸 勁抵呀 季尾買嘢真係超級抵囉 里奧大人果件 $399 我買嘅仲抵 因為原價係 $499 架 依家件冷外套 $179 就 $239 家姐又唔要喎 唔係買埋比佢呢 ~
買完就番屋企 煲埋中藥 6 點就出發去家姐屋企 lu ~
我唔記得點行去家姐屋企架 所以又係一路講一路教我點行 夜媽媽真係好難認路 間間屋又差唔多 無行錯已經偷笑喇 ~
今次家姐買咗成枱食物 因為家姐同工人想試新嘢 所以買下買下就咁多 好在食唔哂可以留番 唔係又要夾硬食 好辛苦囉 哈 ~
食到差唔多 9 點 同 d 狗仔影下相 之後抖陣就番屋企喇 因為要比 d 嘢比媽咪工人 唔想咁晏走 ~
麥包 今次影咗好耐先肯望鏡頭呀 衰仔
成日想 lam 我個鏡頭
彩我都傻 哈
B 仔 又係唔望鏡頭 @@
B 頭 佢瞓緊架
不過我 .. .. .. .. .. .. 呵呵
家姐屋企好鬼凍 我打完邊爐之後 要即着番件褸 之後對腳板係凍架 番到屋企對腳板都係凍囉 所以要即刻沖涼呀 ~
搞掂哂就睇心計 差唔多 11 點幾都瞓 lu ~
沒有留言:
發佈留言