住家飯 @ 媽咪屋企 ( 7-MAR-2014 )

蒸多寶魚   加埋蝦乾同白飯魚一齊蒸

炸乳鴿 ( 外賣 )

白切雞 ( 外賣 )

炒菠菜

青紅蘿蔔無花果豬筒骨湯 - 今次我叫媽咪問家姐工人點煲呀   終於有正常嘅味道啦   勁開心   哈

大樹菠蘿

( 7-MAR-2014  FRI )

終於 happy friday 喇   如果聽日 off 就好啦 ~

今朝食魚柳包   咁我要大火嘛   點知出黎嘅係燶嘅   黑色喎   點食呀   之後我聽到佢同師傅 d 對話   仲好叫我教佢點大火   唔係呀嘛   咁我話要正常算喇   之後阿姐話呢 d 包係唔知咩咩   所以好難大火   咁個師傅係咪一早就應該同我講唔可以大火   咁咪唔駛搞咁多嘢囉   我點知妳點整個包喎 ~

菇場忙咗陣呀   忙到 11 點   好似好快就 lunch 咁   唔錯唔錯 ~ 

Lunch 出去食牛腩河   之後再行陣就番菇場 lu ~   

里奧大人唔駛上大陸   不過我都會番媽咪屋企食飯   同埋月頭最緊要番媽咪屋企食飯添呀   因為要比家用媽咪嘛   唔想成日心掛掛 ~

家姐又係 7 點番到屋企   佢同事去完北歐旅行   比咗 d 手信我添呀   勁開心   哈哈   有得食 ~

之前已經想試辣椒朱古力架喇   估唔到終於有得試     

喺阿信屋買架   $6.9 咋   所以買包比家姐食   

家姐最鍾意食 Panash 嘅丹麥酥   所以間唔中都買比佢   氹佢開心   哈

家姐又買番比我   如果住附近就好啦   唔駛拎黎拎去

依家去媽咪屋企   除咗拎湯走之外   仲會拎埋生果   因為媽咪話 d 生果靚就會買埋我同家姐果份   所以我次次番到屋企   個膀頭都好痛呢 ~   

差唔多 8 點 15 分就走喇   又比我喺巴士站見到家姐   家姐上次幾勁呀   佢一見我打比佢   佢即刻望住我個方向先聽電話   如果唔係就見唔到我架喇   今次就咁啱有人落車   我好開心咁叫家姐家姐   佢先知   人地唔知以為我痴線   哈哈 ~

番到屋企即開機洗衫   之後就沖涼   里奧大人差唔多 9 點半先番到屋企呀   慘 ~

睇完心計就瞓 lu   呢排天氣凍凍地   差唔多 11 點就會好眼瞓咁呢 ~