勝利大排檔 @ 九龍灣 ( 1-MAR-2014 )

豉椒炒鵝腸 - 我叫架   都 ok 啦

粟米斑塊

蜜椒頭抽豬扒 - 里奧大人都話開始食厭呢個餸啦   嘩哈哈

馬拉啫啫生菜 - 完全唔掂   無味   同埋好多肥豬肉

( 1-MAR-2014  SAT )

今日 off 呀   不過瞓到 9 點幾都自然醒咗   其實應該係要再早 d 醒架   因為要去銀行搞嘢呀 ~

去 KFC 食早餐   因為好難得唔駛排隊買嘢   同埋有好多位錯呢 ~

里奧大人話尋晚係咁發夢   我心諗更係壓力大啦   所以成晚發夢   之後佢話係好笑嘅夢喎   佢笑醒咗添呀   佢話個夢好係佢去食嘢   見到有款朱古力食品   咁佢笑住咁問人係咪有朱古力嘅   果個人當然好開心答佢話係有朱古力啦   但里奧大人就答   我都唔鍾意食朱古力嘅 @@   咁另一個夢係佢想買件裇衫   又係笑住問人着咗係咪好 slim 好似阿乜乜咁   個 sales 話係呀  好 slim 架   會好似阿乜乜咁   之後里奧大人就話我最憎阿乜乜   痴線架   如果現實生活真係咁樣問人同咁樣答人   實比人打都似   哈哈 ~     

我個夢仲搞嘢   話說上星期六同里奧大人行 Ikea   咁佢想買毛巾仔   但我話之前已經買咗 4 pack 唔同色   真係唔需要再買囉   之後我個夢係我洗完衫   一手拎哂 4 款色   "樣" 住同里奧大人講   都話買咗 4 隻色架啦   里奧大人話我記仇呀   哈   同埋呢個夢嘅我好真實呢   呵呵 ~

食完就去恆生   之後再去南洋   咁都差唔多 11 點半   咁我去尖沙咀拎藥   里奧大人就再去番恆生搞嘢就番屋企做嘢 lu ~

經過萬寧   原來 enjoy 有 95 折   咁又入去睇啦   好感恩呀   因為滴露淋浴露係出位價   洗頭水又特價   因為我想買呢兩樣嘢好耐嘛 ~

我買買下都唔知幾點   後尾里奧大人打黎   我先知道已經 1 點半 lu ~

番到屋企抖陣先   終於要開冷氣喇   因為我覺得好熱呀 ~

3 點出去食嘢   我勁想食車仔麵   所以一定要去食   哈   之後煲埋中藥就睇雜誌   真係唔多想郁呀 ~   

我嘅酸齋 + 豬紅 + 豬皮 + 蘿蔔 + 米粉 

里奧大人嘅酸齋 + 腸仔 + 魚腐 + 泰式魚蛋 + 泰式魚餅 + 生菜 + 粗麵 + 幼麵 - 我見到好驚啦   咁大碗   之後佢都話後悔叫咁多餸   因為好飽  

今次又有 3 袋嘢去舖頭洗   所以 6 點要出門口喇 ~

約埋姑奶去大排檔食晚飯   食到 7 點半就走喇   因為要同佢去日本城買膠柜桶   上埋佢屋企幫佢整埋都 9 點   番埋舖頭拎嘢就打的走人 lu ~

番到屋企都 10 點   沖埋涼睇陣電視就瞓喇 ~