白木屋 @ Mega Box ( 九龍灣 ) ( 15-MAR-2014 )

天婦羅飯 - 新鮮炸起實好味嘅   薄薄嘅脆漿   woo

睇個盒好似好細咁   但其實份量唔小   最終都係係唔哂 d 飯 

博多豬骨湯拉麵 - 一般啦

中華野菜小炒 - 我鍾意食炒雜菜   因為自己一定唔會樣樣炒 d   哈哈

綠茶雪糕   因為我打咗卡 ^^ 

( 15-MAR-2014  SAT )

今朝 8 點起身   早餐其實想食飛碟架   不過之前兩個星期都食   都係唔食喇   同埋食完再飲埋杯咖啡真係好鬼飽   咁晏晝就約咗里奧大人食嘢   都係食米粉餐好 d   唔駛咁飽 ~

勁驚菇場星期六又忙呀   好在平安 hea 過到放工   哈 ~

因為我張生日免費飛未用   所以里奧大人就去 Mega Box 嘅 UA 買飛先   我放工就坐 297 過去   今次唔飲茶喇   我想食越南嘢呀   不過呢間唔會再有下次   因為真係唔好食囉 ~

炭燒魷魚伴青木瓜沙律 - d 魷魚一 d 都無炭燒過   同埋 d 沙律好甜   我最驚

越式扎肉春卷撈檬 - 檬粉份量好多   不過就無咩蔬菜絲   同埋 d 醋唔酸   如果唔係就更好 

生牛肉牛丸湯河 - 湯底好鹹 @@

咁睇 3 點半嘛   我地食完先係 2 點幾   咁又周圍行   去完 Aeon 睇嘢再去 $12 店睇嘢   今次有嘢買   不過睇完戲先一次過買   唔駛拎黎拎去   之後再行 H & M   行完就即去睇戲喇   我要預早小小去買爆谷呢 ~

爆谷套餐 ( 1 包中爆谷 + 2 杯大汽水 )

今次睇 " 華爾街狼人 "   其實之前已經想睇   拖下拖下到依家先睇咋   3 點半睇到 6 點半   都幾好睇呀   所以坐 3 個鐘都覺得 d 時間過得好快 ~

又未餓   所以買完嘢先去食嘢   首先去 Aeon 買套冷氣被芯   之後去 $12 店買樽同雜物   再去 Ikea 買樽仔   搞掂哂就去食嘢 lu ~

去埋 H & M 買外套就走喇   諗住坐 shuttle   不過又無車   咁里奧大人話坐的士番屋企喎   因為都已經 9 點幾 ~   

番到屋企即沖涼喇   睇埋心計就自己瞓先喇   因為唔知做乜鬼   我食完飯之後   個胃勁脹呀   簡直有想嘔嘅感覺 ~         

喺 H & M 買嘅外套   我從未見個 d sales 就咁將件衫塞入膠袋   完全係無摺過 @@