越中意越南風味菜館 @ 北角 ( 4-MAR-2014 )

自選一人湯粉餐 - 香茅牛肉撈濛 - 牛肉就 "乸" 得太犀利喇   下次唔叫咯

自選一人湯粉餐 - 燒豬頸肉撈濛 - 豬頸肉唔乾   仲好入味   好味道呢

春卷 ( 3 條 x 2 )

( 4-MAR-2014  TUE )

今朝又凍喎   不過仍都好潮濕   呢 d 天氣令人好翳悶囉   同埋瞓極都唔夠咁 ~

早餐食芝腿治烘底   呢期嘅多士好似無咩點烘咁   唉 ~

菇場忙呀   不過勁充實都唔錯   自從 partner 走咗之後   雖然多嘢做咗   但我覺得好開心喎   因為唔駛再見到佢   因為佢工作態度真係好黑人憎   個人又自私到爆   見到佢真係好影響心情架 ~

Lunch 出去買豬扒五香肉丁米粉番菇場食   飽到呢   d 五香肉丁好似食極都有咁   下次真係唔再叫豬扒   啖啖肉好鬼滯咁囉 ~

又忙喇   好在 4 點幾搞掂哂   終於可以抖 lu ~

放工去睇中醫   今晚家姐幫我等位   好感恩無人睇呀   哈哈   一去到就有得睇真係勁開心架   之後就拎藥   差唔多 6 點 45 分就搞掂哂 ~

同家姐一齊去 Simply Life 買包   $25/ pack 有 3 個唔同款嘅包   其實真係抵啦   因為如果唔係特價嘅話   1 個 muffin 都要 $17   家姐成日講到好好食咁   所以我都買 pack 先   家姐之後話佢食唔哂   咁我話比埋我聽日 lunch 囉   呵呵   佢話我就買到特價包   佢就買得貴喇   $50 得 2 個包   嘩哈哈哈 ~   

我要去北角新都城百貨買 Hand Lotion 同 Face Lotion   不過同家姐講話要搭巴士   我唔想行呀   因為又未食嘢   又要拎住 8 包藥行成 25 分鐘   我唔想囉 ~

去到新都城即買 cream   原來做咗會員有 85 折   咁又抵喎   呵呵 ~

買完就去食飯喇   家姐完全無諗過我會帶佢喺北角食嘢呀 ~

食完就坐 619 番屋企   番到屋企差唔多 9 點   真係算快呢   因為我仲可埋煲埋中藥 ~

里奧大人差唔多 10 點就番到屋企   之後佢即刻沖涼   再陪我睇 "The Mentalist"   睇完就瞓喇   都已經 11 點幾   呢掛天氣潮濕   又多嘢做咗   所以都唔想太夜瞓 lu ~

呢個提子 muffin 留番比里奧大人食   不過痴住哂 d 朱古力碎   其實本身係無朱古力碎呢

Hand Lotion $58/支 & Face Lotion $78/支