2016年3月25日星期五

澳門咖喱王清湯腩 @ 牛頭角 ( 25-MAR-2016 )

口水雞


川醬干炒牛河 (小辣) 


( 25-MAR-2016  THU )

嘩哈哈哈哈   好開心呀   終於放假   仲連放 4 日   爽爽爽爽 ~

瞓到自然醒   差唔多 10 點半先起身呀   所以即刻梳洗飛去食早餐喇 ~


條腸仔咩事呀 ?!   哈哈  


今日個天都係灰灰暗暗架   但就無落雨   咁我地諗住聽日先去行山   所以就 hea 過算喇 ~

番到屋企就抖下啦   睇下雜誌   3 點半先去食嘢   諗住買咗紅米 Note 先食   但好多人排隊   所以里奧大人話食完先買呢 ~




去到見無人排隊 lu   因為無哂貨呢   里奧大人係咁講唔好意思呀   我話唔緊要   送番比我咪得囉   嘩哈哈 ~

今晚探媽咪   4 點 50 分已經到醫院 lu   家姐工人 5 點幾先到   拎雲吞比媽咪食   佢又唔食   是但佢啦   我唔想再講嘢   好攰 ~

家姐今日要番工   6 點半先到呀   不過我同里奧大人 6 點 45 分都走喇   想去食泰菜呢   點知去到無開   東主有喜休閒十日   唔係呀嘛   我頭先同里奧大人講咗幾次話要食泰式鳳爪嘛   居然休息   簡直晴天霹靂啦   嗚嗚嗚嗚 ~

咁去到牛頭角喇   就喺度食埋先走啦   里奧大人話去食咖哩果間喎   其實我唔想去食   因為我覺得唔好食   不過懶得諗   是但啦 ~

坐我地張圓枱嘅一男一女都話唔好食呀   個男話已經比咗幾次機會呢間嘢   個女直頭開到口話難食   話佢唔識煮嘢都煮得好食過呢間添呀   哈哈   所以我同里奧大人講   唔係得我話唔好食呀 ~

食完就番屋企   開機洗衫之後沖涼   之後喺群組傾開聽日有咩節目   估唔到呀 mi 喂又諗住行山   真係整定   因為今日先話要試下用 line 六個人一齊傾電話   果然今晚就用到呀下   哈哈 ~

呢次行山真係完全即慶   因為我同里奧大人諗住由大埔行去荃灣   再約 mi 食飯   但我地又有另一個地方想行   所以就話如果 mi 喺荃灣就由大埔行去荃灣   估唔到咁啱 mi 係想行山   不過係由荃灣去大埔喎   咁好啦   我其實想一齊行   好好耐無見嘛   最勁係我地 6 個人喺 line 度傾電話   最搞笑係迫埋表表一齊參與   哈哈   足足傾咗差唔多 50 分鐘   好在又無斷線喎   呵呵   但就收得唔太好  窒下窒下   之後 mi 話每人講完一句就停   等第二個講   里奧大人話即係 walkie talkie   哈哈 ~

傾完就抖陣   11 點幾都瞓喇   唔係聽日無力行山呢 ~

2 則留言:

  1. 一條好漢笠..唔係講笑! 剛星期六行完山
    膝關節痛到依家~45度下斜坡石路太長太耐啦..痛呀
    晚餐咖喱王賣相又唔覺咁差~原來係難食既..應該好快摺埋
    哈哈哈哈!依晚好攪笑呀~6個人一齊傾..細表又係無啦啦迫聽
    不過幾好玩~如果遲d可以順暢d就更加好~以前whatsapp都係咁
    依家都改良左好多~傳送快左好多~聽日我準備出我地既行山啦! 聽日見啦!哈哈

    回覆刪除
    回覆
    1. 笠 蝦佬二世祖 仍然係我呀~
      嘩 妳都膝關節痛呀 咁我一定要帶護膝啦~~~~
      45度下斜坡石路好似好刺激咁 睇埋妳個blog先決定行唔行先 哈哈~
      呢間咖哩王真係無翻單 好在唔係得我一咁講~
      係呀笠 呢晚笑死我 6個人一齊傾真係第一次架咋 我都覺幾好玩~
      最衰依家先知呢個function 啦 如果唔係呀表喺香港
      一早用佢啦 唔駛打咁多字 哈哈~
      嘩哈哈 一陣見啦~~~~


      刪除